عبادتگاهده صبحون زمانی #حیدریه_شهاب_تبریزی

شهادت حضرت مولی الموحدین امیرالمؤمنین (ع)
گریز به شهادت امام حسین (ع)
.
✍️ #زبدةالاشعار ✍️
.
🆔: @nohe_torki
.
مرحوم شهاب تبریزی
.
عبادتگاهده صبحون زمانی
ایدوبلر قانه غلطان مرتضانی
.
صدای واعلیّا واعلیّا
سراسر دولدوروبدور بو جهانی
.
شل اولموش اللریله ابن ملجم
گتوردی لرزیه ارض و سمانی
.
گوروب سلطان دینی حقّه مشغول
جسارت ایلدی اول ظلم کانی
.
تاپوپ فرصت نماز اوسته او کافر
قیلجلادی ولیّ کبریان
.
سالوب دلدن او یاره شیر حقّی
باشندان آخدى قان گیتدی توانی
.
او قانیله بویاندی جانمازی
مزیّن ایلدی محرابی قانی
.
نجه کاری یارایدی گور او یاره
دگن ساعت یخوب شیر خدانی
.
آچوب روح الامین باشین بو غمده
ندا ایتدی بو غملو ماجرانی
.
دیدی ئولدوردولر سالار دینی
بو سس دوتدی سراسر ماسوانی
.
ایشتدی بو سسی بیچاره زینب
بو سسدن اضطرابه دوشدی جانی
.
گلوب قارداشلارین بیربیر اویاتدی
بیان ایتدی او وحشتلی صدانی
.
دیدی قارداش دورون بیله گلور سس
دیوللر ئولدوروبلر مرتضانی
.
او دم یوز مسجده قویدی کمکلر
حسینیله حسن تاپدی آتانی
.
یاراسین خشک بند ایلوب اوغولّار
ایوه حمل ایتدیلر اول مقتدانی
.
گینه بو غملو قصّه یاده سالدى
حسین بیکس و کرب و بلانی
.
حسینی ئولدورنده شمر کافر
یانندا اولمادی بیر مهربانی
.
گلن بیر زینب اولدی قتلگاهه
نه حالینده گروب بُلمم اخانی
.
او عصمتلی خانم تاپمادی چاره
دوتوبدی دامن شمر دغانی
.
دیدی صبر ایله ظالم کسمه باشین
روا گورمه حسینه بو جفانی
.
شهاب ال ساخلا یازما بو مصیبت
گتوردی نالیه خیرالنّسانی
.
هدر گیتمز بو خدمت روز محشر
گوزتلر فاطمه اهل عزانی
.
.
#حیدریه_شهاب_تبریزی
#حیدریه_شهادت
#عبادتگاهده_صبحون_زمانی
#ترکی
.
✍️ #زبدةالاشعار ✍️
.
🆔: @nohe_torki