عباس علمی یاتدی شمع شهدا کئچدی #عباسیه_یحیوی_اردبیلی

شهادت علمدار حسین
.
✍️ #زبدةالاشعار ✍️
.
🆔: @nohe_torki
.
#سبک_آتدان_یره_چون_دوشدی #سبک_یاران_چه_غریبانه #سبک_ای_شمع_حرمخانه …
.
مرحوم یحیوی اردبیلی
.
عباس علمی یاتدی شمع شهدا کئچدی
ایام بنی هاشم دنیاده قرا کئچدی
.
.
دوغماز آنالار اوغلان عباسه نظیر اولسون
بخشنده درخشنده چون بدر منیر اولسون
صولتده شهامتده دعوا گونی شیر اولسون
طاعتده عبادتده اللهه بصیر اولسون
عباسیدی جانیدن دین اوسته فدا کئچدی
.
.
أی چرخ دنی فطرت دوندی نیه دوّارون
شاد اولدی بنی سفیان سیندی بئلی اخیارون
قان دوتدی ایکی چشم شهلاسین او سردارون
ردّ اولدی کمانیندن هر تیر کماندارون
بیر حلقه ی جوشندن سانجیلدى دوتا کئچدی
.
.
.
بیر مرد شجاعت کار شمشیرینه ال وورسا
مردانه دلیرانه بیر لشگری سیندیرسا
تنها او وجودیلن یوز مین نفری قیرسا
نیلر اونا گور دشمن قولسوز دایانویب دورسا
فهمون وار اگر آنلا سوز اولدی ادا کئچدی
.
.
گوردی باش آچوق قولسوز آتدان یخلور سقا
تاب ائتمدی بو حاله خاتون بهشت آرا
سسلندی گل اوغلوم گل آغوشه ملول اولما
رد اولجاق آت اوستیندن عباسی دوتوب زهرا
سیلدی گوزینون قانین حقّینده دعا کئچدی
.
.
ای امّ بنین اوغلی زهرایه کومک دوردون
سنده منیم اوغلومسان شأنیم اوجالاندوردون
قوللاریوی کسدیردون اسلامه ستون ووردون
أسباب شفاعتده بیر جفت قول آرتوردون
بو قانلی بیلکلردن عصیانه دوا کئچدی
.
.
ای زینبون امّیدی کلثومون هواخواهی
سن ئولدون حسین سالم قالماز داخی واللهی
قالدی نئجه بی صاحب گور خیمه و خرگاهی
سویدیلا بو ساعتدن اهل حرم شاهی
هم گردن بیماره زنجیر جفا کئچدی
.
.
بخل و حسد و کینه باغلانمیش اورکلرده
أون یئدّی نفر خونخوار عریان قلج اللرده
بیردن ائله دی حمله عباس جوانمرده
کرکس لر ایاق اوسته عنقا یخلوب یئرده
پی در پی انن شمشیر فکر ایله هارا کئچدی
.
.
ال تاپسالا سیمرغه مرغان سیه کردار
گورسه اونی شهپرسیز ایلرله نئجه رفتار
نه حاله دوشر سینه وورسا هره بیر منقار
عبّاسی همان حاله سالدی هدف اشرار
نطقه قلمه گلمز حددن که یارا کئچدی
.
.
بو محنت عظمانی دقّتله ائشیت مندن
سن حقّین ادا ایله من فیض آپاروم سندن
عباس وجودینده هر ضربت دشمندن
آیریلدی دمیر حلقه گوز گوز صف جوشندن
یئر آچدی دم نیزه پیکان بلا کئچدی
.
.
فکر ایلدی بیر مؤمن آیا بو نه بابتدور
قبری بئله کوچک دور عبّاس اوجا قامتدور
رؤیاده همان شخصه فرمایش حضرتدور
قارداشیمه بو مرقد آثار شجاعتدور
عباسون اوگون قبره هر عضوی جدا کئچدی
.
.
هئچ کیمسه دن ائتمزدیم هرگز گله یاعباس
بیر عدّه مخالف لر گتدی دیله یاعباس
بدگوی عزاداری سال مشکله یاعباس
تا «یحیوینی» غمدن آزاد ائله یا عباس
دشمن دئمسون عمری دنیاده فنا کئچدی
.
.
.
#عباسیه_یحیوی_اردبیلی
#عباسیه_شهادت
#عباس_علمی_یاتدی_شمع_شهدا_کئچدی
#ترکی
.
✍️ #زبدةالاشعار ✍️
.
🆔: @nohe_torki