عجب عجب که بو گون یاد دوستان ایتدون #تنور_خولی_شاکی_خویی

زبانحال امام حسین(ع)درتنورخولی به حضرت زهرا(س)
سوال و جواب
.
.
مرحوم شاکی خویی
.
.
عجب عجب که بو گون یاد دوستان ایتدون
بو غربت ایچره من زاری شادمان ایتدون
.
اولوم فدا سنه ای نورچشم پیغمبر
مگر آنا اوغولی بیله یاد بود ایلر
.
باشیمی شمر کسنده او دم سنی آندیم
سو ویرمدیله سوسوز کسدیلر باشیم یاندیم
.
باشیمی قوی یره تا بیر اؤپوم ایاقوندان
زبس آنا دیموشم یانموشام فراقوندان
.
زبس گیچن گون آنا تپراقا کوله باتدیم
تنور ایچنده کول اؤستنده بو گیجه یاتدیم
.
کول استه یاتماقا اولدوم رضا من دلگیر
بو یری ده منه چوخ گوردولر بو قوم شریر
.
صباح اولاندا سالالّار گینه بلایه منی
تنوریدن چیخادوب وورالّا جدایه منی
.
داخی خیال ایلمه عترتیم اولا آرام
گزر بو قانلی باشیم نیزه لر باشیندا مدام
.
دیدی فغانیله کی مبتلای درد و محن
مگر که بلمدیلرسن عزیز فاطمه سن
.
قویاندا حنجریمه خنجرینی شمر دغا
دیدی که کیمدی آنان سویلدیم آنام زهرا
.
توجه ایتمدی توکدی او دمده گوز یاشیمی
عداوتیله او ملعون کسوب سوسوز باشیمی
.
باشیمی سینوه قوی چکمیشم آنا زحمت
آناسینین سینه سینده بالا یاتا راحت
.
یوزی یوزینده دیدی نور هر دو عینیم وای
آنان بو باشیوه قربان اولا حسینیم وای
.
هانی مزارین حسینیم هانی سنون کفنین
باشین قالوبدی تنور ایچره بس هانی بدنین
.
منی باغشلا آنا بیرزادا یوخومدی گمان
سنین قدملریوه بو کسیک باشیم قربان
.
گلوب بودم باشیمی گوگلره یتوردون آنا
عزیزلیوب منی کول اؤستن گوتوردون آنا
.
دیدی اوغول دی گوروم بس هانی سکینۀ زار
دیدی دیمه آناجان قولّارینی باغلادیلار
.
دیدی اوغول اؤزیوه سویله نیلدی دشمن
دیدی سوسوز باشیمی کسدی شمرذی الجوشن
.
دیدی اوغول داخی آرتورما درد و غملریمی
دیدی آنا کسوب اؤز ساربانیم اللریمی
.
یازاندا بو سوزی «شاکی» مدام آغلاردی
شرار آهیله اؤز سینه سینی داغلاردی
.
.
#تنور_خولی #شاکی_خویی #ترکی #زبدةالاشعار