شجاعت قمر بنی هاشم ابالفضل العباس علیه السلام
.
✍️ #زبدةالاشعار ✍️
.
🆔: @nohe_torki
.
مرتضی اسکندری(ساعد)زنجانی
.
عشقین اول پایه سی محراب طاعتدن گلور
اولین پیغام عاشورا عبادت دن گلور
.
.
عشقی تفسیر ایله سون بیر معنوی دیوان اولار
قدرت عشقیله سائل دهریده سلطان اولار
عاقل انسان بی وجود عشق سرگردان اولار
عشق یعنی شور یعنی نور یعنی معرفت
عشق یعنی انتخاب حق به جای مصلحت
.
.
عاشق صادق گرک عشقه خیانت ایتمه سون
مال دنیا عشقینه ترک دیانت ایتمه سون
بی سبب احراره هریرده اهانت ایتمه سون
کربلا استادینون درسی نماز عشقیدور
قان ایچینده قانلی سجاده نیاز عشثیدور
.
.
عشق یعنی من اوتوز مین لشکره باک ایتمرم
باشیمی ویرّم ، یزیده سینه می چاک ایتمرم
سینه مون اوستن ولایت مهرینی پاک ایتمرم
عشق یعنی کربلانون تشنه لب سرلشکری
شهریار شهر عشقون شیر دل همسنگری
.
.
اذن جنگ آلدی جداله ساقی عطشان گلور
اصغرون فکری باشوندا گوزلرونده قان گلور
گوئیا حیدری الده خنجر بران گلور
بیر به بیر یوز قویدولار اطراف نهره قاچماقا
مرحبا عباسه عزم ایتدی فراتی آچماقا
.
.
سسلنور من مرتضانون شیر دل سربازیم
پادگان عزّتون رزمنده ی جانبازیم
کربلا استادینون برجسته تیراندازیم
شیر تک فریاد ایدوب میدانه سالدی ولوله
تیتره دی میدان کانّه نازل اولدی زلزله
.
.
رعشه دوشدی لشکر ابن زیادین جانینه
کیم قباقه گلدی سالدی باشین ئوز دامانینه
سسله دی آند اولسون اربابون لب عطشانینه
مین برابر اولسا بو لشکر دایانام قاچمارام
باشیمی ویرّم یزیده دست بیعت آچمارام
.
.
شاهیمون دستوری سست ایتدی منیم تکبیریمی
زینبون تک قالماقی ایتدی عوض تقدیریمی
یوخسا بیر بیر گورسه دردیم قدرت شمشیریمی
اذن جنگیم اولسا من بو لشکری خوار ایلرم
شمر ملعونی رکابیمده گرفتار ایلرم
.
.
سیز عبیدالله پستون باده سیندن مستیسوز
جیره خوار سفره ی ابن زیاد پستیسوز
ننگ انسانّیتوز شیطانینن همدستیسوز
من حسین بن علینون ریز خوار جودیم
فاطمه فرزندینون قربانی معبودیم
.
.
آنداولا شش ماهه ی عطشان لب سلطانیمه
توکسه لر گنجینه ی دنیانی بو دامانیمه
ذرّه جِه نقصان یتیشمز ریشه ی ایمانیمه
من علی فرزندیم دینه خیانت ایتمرم
مین امان نامه گله ترک دیانت ایتمرم
.
.
رعد و برق خنجریندن قدرت ایمان شاخور
هر یره ایلور اشاره یاره لردن قان آخور
باش گیدور قولار گیدور فرمانده لر حیران باخور
بیر بیره ووردی سپاه کوفه نی شمشیر حق
آلدی بیر تکبیریله نهر فراتی شیر حق
.
.
راوی نقل ایلور فراتی آلدی سکّان دار عشق
پرچمون ووردی فراتون اوسته پرچمدار عشق
مشکینی دولدوردی چخدی نهریدن سردار عشق
ایتدیگی پیمانه خاطر مشکی محکم باغلادی
یادینه دوشدی رقیه مشکه باخدی آغلاغدی
.
.
سسلنوب یارب حسینون تشنه لب قیزلارینه
آسمان عزّتون تابنده اولدوزلارینه
خیمه ده ارباب عطشانون آدامسیزلارینه
رحم ایله بوقوم بی ایمان منی یاندورماسون
گوزلریمه وورسون امّا مشکیمه اوخ وورماسون
.
.
غیرت عباسه باخ سو ایچمدی دوشدی یولا
باغلادی کفرین سپاهین گوزلریله قول قولا
غیضیدن گاهی صاقا ایلور اشاره گه صولا
مشکه خاطر سالدی نخلستانه راه مرکبی
هر قدمده سالدی یاده اصغر شیرین لبی
.
.
سوز چاتوبدور نقطه حساسه مقتل یاز قلم
یاز گیلان عباسون اولدی قولّاری بیر بیر قلم
قول دوشوب طاقت گیدوب لنگرایدوب یاتدی علم
نا امید اولدی رقیه قالدی سقّا دیده تر
دیشیلرینه مشکی آلدی سینه سون ایتدی سپر
.
.
آه اوساعتدن گلوب بیر اوخ دایاندی مشکینه
ویرمه دی فرصت ابو فاضل گوزونده اشکینه
رشک آپاردی حوریلر امّ البنینون رشکینه
مشکیدن جاری اولان سو یازدی یرده یا حسین
دوشدی شمشیر اللریندن قازدی یرده یاحسین
.
.
یوزدوتوب اخیامه بیردن سسله دی قارداش حسین
تیز یتیش امدادیمه تا وار بدنده باش حسین
سو یرینه گوز لرومدن جاریدور قان یاش حسین
من اوتوز دورد ایل سیزه بو جانی نوکر بسله دیم
فاطمه دستور ویردی ایندی قارداش سسله دیم
.
.
سالمیدی تانقدری قولّاریم جنگ ایله دیم
عرصه ی دعوانی بو یاغیلره تنگ ایله دیم
حیدر آسا نهری آلدیم دشمنی لنگ ایله دیم
بختیمون آئینه سون دست فلک چالدی داشا
اوخ دگوب مشکیم جالاندی اللّریم چیخدی بوشا
.
.
ایندی وار بیر خواهشیم ای پادشاه خوش سیر
قیز لارون سو جامی الده مشک آبی گوز لویر
مشکی خالی ساقی شرمنده الآن نینیر
دوشموشم حیّ علی خیر العملدن چون دالا
قیزلاروندان اولموشام شرمنده قوی نعشیم قالا
.
.
.
#عباسیه_ساعد_زنجانی
#عباسیه_شجاعت
#عشقین_اول_پایه_سی_محراب_طاعتدن_گلور
#ترکی
.
✍️ #زبدةالاشعار ✍️
.
🆔: @nohe_torki
نظر دهید