ولادت باسعادت امام حسن مجتبی (ع)
.
.
.
مرحوم نجمی تبریزی
.
.
عرصۀ وجوده قویوب قدم
بو گونون نظیرینده مجتبا
لمعه لمعه آفاقی دولدورب
پرتو خداوند کبریا
.
.
اوّلین گُلی که وئروبدی باش
باغ مرتضادن بو شاهیدی
چرخ آل هاشمده صورتی
بیر ایشیقلی زیبنده ماهیدی
حُسنده ملاحتده مظهرِ
مصطفا حبیب الاهیدی
عطر جان آلاردی بو نوگُل
باغ حسندن جدّی مصطفا
.
.
.
گلشن محبتده باش وئروب
اول گل وفا رشگ هر چمن
حُسن مجتباده نشان وئروب
قدرتین خداوند ذوالمنن
حسننه برازنده اسمیله
اول گل وفا آدلانوب حسن
حیرته سالوب کونی حسنیله
اول گل گلستان مرتضی
.
.
عارض شریفی او سرورین
شمسیدی امامت سپهرینه
صورتینده تازه هلالیدی
قاشلاری وجاهت سپهرینه
یوزده هاشمی خالی جابجا
نجمیدی ملاحت سپهرینه
آفرین بو حسن و ملاحته
بو جمال زیبایه مرحبا
.
.
بو فنا جهاندا حقیقتاً
بیر بیله گلی یوخ ویرن نشان
حیف اولا آچوب گلستانده
شاد اولوب دایانموبدی بری زمان
تیز سولوبدی تیز آچماقی کیمی
عمرینون بهاری اولوب خزان
سلیب ایدوب ستمله طراوتین
سولدوروب اونی صرصر جفا
.
.
گولمیوبدی بیر گون گوزل یوزی
دردیله همیشه انیس اولوب
طعن و کینۀ اهل کیندن
عارضی ساری گول کیمی سولوب
سبّ ایدوبله مظلوم اتاسنی
کاسۀ دلی قانیله دولوب
وئردی باشه اوز ماه و سالنی
دردو محنتیله او مبتلا
.
.
نچّه دفعه مسموم اولوب او شه
اوتدی گرد غصّه جمالینه
یاندی آتش ظلمیله دولی
وئردی زهر تغییر حالینه
خون دل قاریشدی گجه گونوز
گوزلرینده اشگ ملالینه
وردیلار مبارک ایاقنه
بیر ساغالمیان یارۀ عصا
.
.
.
زهر وئردی آخر اؤز عورتی
قان دوزولدی گل تک دوداقینه
آل مصطفانون اورکلرین
یاندروب شرار فراقینه
جان وئروبدی اول جان ماسوا
یتدی دلده کی اشتیاقینه
قورتولوب اؤزی درد و غصّه دن
غصّه لندی بو غمده ماسوا
.
.
دؤزدی چوخ حیاتینده بو شهه
یوز وئروب غم و غصّه و الم
باغلامشدی قلب مبارکی
جور گردش چرخدن وَرَم
عزّتیله مدفون اولوب گنه
خوار اولمادی چوخ او غم حشم
نسگل اولدی بی غسل و کفن
قالدی نچّه گون شاه کربلا
.
.
قالدی یرده باشسیز جنازه سی
گئچدی نیزیه نازنین سری
نیزه لر قلجلار سنقلاری
اول یارالی نون اولدی بستری
بیر نفر مسلمان تاپولمادی
دفن ایده او جسم مطهّری
گون ائوینده قالدی او گول بدن
ایستی قوملار اوستونده برملا
.
.
.
امر ایدوب خداوند کبریا
گلدی کوفه دن زین العابدین
گردن شریفینده سلسله
گوزده اشگ تر دلده شور و شین
دفن ایدوب او باشسیز جنازه نی
حسرتیله محزون و دلغمین
باخدی بیر او صد پاره پیکره
دوت دیاود آلیشدی او مقتدا
.
.
بولدی جسمی دور اؤز آتاسینون
احتیاج یوخ اؤزگه شاهده
چکدی آه آه اوسته قلبدن
ایلدوقجا اول شه مشاهده
گوردی اگلشوب اوخ اوخ اوستونه
پاره پالره اعضای شاهده
دلدن آلدی صبرین او منظره
توکدی گوز یاشی باشلادی نوا
.
.
نجمی دفن سلطان عشقده
چوخدی اودلی سوز خامه یازسا گر
اود توکر یانار الده دفترون
قلب کائناته دوشر شرر
عید دور بو دنیانی یاندیران
ماجرانی سن ایله مختصر
بزم عیش اهل محبّتی
ایلمه بو گون مجلس عزا
.
.
.
.
.
#حسنیه_نجمی_تبریزی
#حسنیه_میلادیه
#عرصۀ_وجوده_قویوب_قدم_بو_گونون_نظیرینده_مجتبا
#ترکی
.
.
نظر دهید