زبانحال حضرت رقیه «س»
خطاب به حضرت زینب کبری(س)
.
.
مرحوم فیروز جوانشیر
.
.
بیرده گورسیدیم اگر جان جهانی عمه جان
شوقیله قربان ائدردیم خسته جانی عمه جان
.
گلموشم از بس که تنگه محنت ایامیدن
جام دل اولموش لبالب بادۀ آلامیدن
چوخ سوزوم وار گر بابام گلسه بو اهل شامیدن
سویلرم بیربیر اونا درد نهانی عمه جان
.
.
آز قالیر قلبیم فشار غصه و غمدن یاتا
کاش یاتسین قان اولان دل بلکه مقصوده چاتا
نصف شب عمروم گونی ویرانه کنجینده باتا
بو مکانی ائلیم غم کهکشانی عمه جان
.
.
روح و جسماً گر چه درد و غصّه لردن خستیم
بادۀ شوق وصال دلبرین سرمستیم
هاردا قالدى بس بابام بولمور مگر جان اوستیم
حالتیم دور انتظارین ترجمانی عمه جان
.
.
یوخ سوزوم امر مشیتدن اولار چوخلار یتیم
بیر یتیم اولموب ولی بیله گرفتار لئیم
کیم اولوبدور من کیمی ویرانه مسجد ده مقیم
اولماسین بیر حایل و بیر سایبانی عمه جان
.
.
سن که شاهد سن منه نه ظلم ائدوب اهل جفا
اولدوم آز عمرومده چوخ درد و بلایه مبتلا
گوئیا روز ازلدن ثبت ائدوب دست قضا
من آلام جانه یتن هر بیر بلانی عمه جان
.
.
سن کیمی بیر عمه گورمز بیرده چشم ماسوا
بیزدن اوتری هر بلایه صبر ایدوب اولسون رضا
من ولی شرمندیم سندن ایا کان وفا
سرو قدّون غصّه دن اولدی کمانی عمه جان
.
.
اوندا که جانه آلاردون واریدی هر زحمتیم
درد اولاردی سینه مه آرتاردی دلده محنتیم
عرض ائدردیم کاش ئولیدیم آز اولیدی حسرتیم
چکمپیدون بیر بئله درد گرانی عمه جان
.
.
اولمیوب سنده ادای لطفده هرگز قصور
دردی اظهار ائتماقا مانع اولور شرم حضور
بیزدن اوتری جام قلبون سیندی چون جام بلور
واقفم چوخ ائیلیوبسن جانفشانی عمه جان
.
.
بو پریشان خاطریله هم خرابه منزلیم
سن که آگه سن بیان حاله عاجزدور دلیم
وار بو قدر اولموب آچیلسون بیر زمان غمدن دلیم
سلب ائدوب از بس که غم دلدن توانی عمه جان
.
.
بو دیاره بیزلری تا چکدی دست سرنوشت
اولدی یا زانو منه بالین و یا بیر پاره خشت
بو مکانی قارداشیم ائتدی بیزه باغ بهشت
نوبهاره دوندروب فصل خزانی عمه جان
.
.
ای اندن بیزدن اؤتور جانین بلیّاته سپر
«خادم» مدّاحه لطفاً ائیله بیر عطف نظر
ایسته الده نوحه سی سالسون بو مأوایه گذر
ایلمه محروم گَل اول بی نوانی عمه جان
.
.
#حضرت_رقیه #فیروز_جوانشیر #حضرت_رقیه_شهادت #ترکی #زبدةالاشعار
نظر دهید