زبانحال امام حسین (ع) در شهادت حضرت علی اصغر (ع)
.
✍️ زبدة الاشعار ✍️
?: @nohe_torki
.
مرحوم تقائی اردبیلی
.
عروج ایله گوزلیم مزر آسمانه گوزلدی
پر آچ پرنده که پرواز عاشقانه گوزلدی
.
.
سنون مرامون ازلدن ایله مقدسیدی
بو اوچ گونی سنی دیلدن سالان عطش بسیدی
اوغول او روح بلنده ئیر اوستی محبسیدی
زلال عشق ایلسه سیر بیکرانه گوزلدی
.
.
علوفۀ ستمی داس صبریلن بیچوسن
یارالی حلقیله ایثار مرزینی کئچوسن
فرات آخور چوله اوز باشینه خیال ائیچوسن
یانان دوداقیله عاشق بویانسا قانه گوزلدی
.
.
دئمم بو لحظه ده بیر گوز آچوب منه باخاسان
سوزن ستاره کیمین برج عشقیدن آخاسان
گرک تیمم ایدوب قان جمالوه یاخاسان
نماز عشق ایده سن خالق جهانه گوزلدی
.
.
بو چولده واردی بیزه لطف حیّ لم یزلی
تبسّم ایتدون اوخا ای شهید لر گوزلی
گیت ای شقایق زیبا و سرخ باغ علی
وُورلسا سن کیمی گل سر در جنانه گوزلدی
.
.
قانون سپیلدی گوگه امر حیّ داوریله
سما اولوبدی مُزیّن او خون احمریله
جفای حرمله دن بو یارالی حنجریله
یارون،یارالی گورن وقته گَل بیانه گوزلدی
.
.
اولان بو سینده خضر مُعمّر استادی
تو خون بریشه دین مبین حق دادی
اوخی مدرس خونین گلوی آزادی
که درس عشق ویره طفل بی زبانه گوزلدی
.
.
گرک دئیم یارا عفو ایت منی کی بوشدی الیم
قوتاردی عشق یولوندا قصیده و غزلیم
جهانه ثابت ایدوبدور شهادتون گوزلیم
کی جان نثار ایلمک عشق و آرمانه گوزلدی
.
.
سنی یاراتدی خدا کسب امتیاز ایده سن
حسینی یار حضورینده سر فراز ایده سن
بهشتیده گده سن سن بتوله ناز ایده سن
بویوک نه نه قوجاقن اتسون آشیانه گوزلدی
.
.
سنون آدون علی جان منتج نتایج اولار
همیشه سکه عشقون جهاندا رایج اولار
مریض لره بو گوزل تربتون معلج اولار
کی حق یولوندا فدا عاشقانه گوزلدی
.
.
سوزی یازاندا #تقائی گرکدی دلده یانا
مباد سوزیازسان اوخ تک اصغره توخانا
اوخی سروده لرون بیر نچه سوز آنیانا
سرود عشق اوخوماق مرد نکته دانه گوزلدی
.
.
#اصغریه_شهادت
#عروج_ایله_گوزلیم_مزر_آسمانه_گوزلدی
#تقایی_اردبیلی
#ترکی
.
✍️ #زبدةالاشعار ✍️
?: @nohe_torki
نظر دهید