زبانحال حضرت رباب با سر حضرت علی اصغر در راه شام
.
✍️ #زبدةالاشعار ✍️
.
🆔: @nohe_torki
.
حسن زرنقی
.
نیزه باشیندا حسینه اولموسان یاور اوغول
گون کنارینده باشین بیر اولدوزا بنزر اوغول
.
.
نیزه باشیندا عزیزیم باشلارا باش قاتمیسان
نچه گوندورکی علی سینمدن آیری یاتمیسان
اولمیا یالقوز ربابی سنده گوزدن آتمیسان
سن منی آتسان سنی من آتماران اصغر،اوغول
.
.
قالمیوب تاب و توانیم غملریم باشدان آشیر
باشیوه باخدیقجا نی ده خیردا قیزلار آغلاشیر
نیزه باشیندا سنی گوردوکجه بو سینم داشیر
سوت گلیبدور سینمه سینه م سنی ایستر اوغول
.
.
اول سوسوز حالین آتان گورستدی ظالم دشمنه
اوش پر اوخدان اتدیلر سیراب اما، وای منه
کربلاده آخدی دریا چوللره اما سنه
اولمادی بیر جرعه سو ای غنچه پرپر اوغول
.
.
هچ گلین من تک عزادار اولمیوب دورانیده
کربلاده ائللریم دوغراندیلار میدانیده
چوخ یانیخلی آیریلیبسان آتش هجرانیده
سن منی یاندیرمیسان لیلانیده اکبر اوغول
.
.
قلبیمی سندن سورا دنیا بویی غملر سیخار
داغ دا اولسام داغ هجرین بو عزاداری ییخار
قالمارام چوخ دنیادا سندن سورا جانیم چیخار
چون آنانین جانیدور دنیا بویوندا هر اوغول
.
.
تا بو مظلومیتی محشر گونی عالم بیله
حضرت حقین حضورینده اوگون گلم دیله
باشون آلام بیر اله گول پیکرین ده بیر اله
تا قضاوت ایلیه اول حضرت داور اوغول
.
.
.
#راه_شام_حسن_زرنقی
#نیزه_باشیندا_حسینه_اولموسان_یاور_اوغول
#ترکی
.
✍️ #زبدةالاشعار ✍️
.
🆔: @nohe_torki
نظر دهید