من زینبم درده دوا منده دی #زینبیه_ساعد_زنجانی

من زینبم …
بایاتیلار
.
.
#سبک_امید_و_سقای_حرم_اباالفضل
.
.
مرتضی اسکندری ( ساعد زنجانی )
.
.
من زینبم درده دوا منده دی
چاره سیز امراضه شفا منده دی
آند اولا گویدن آسیلان پرچمه
تذکره ی کرب و بلا منده دی
.
.
من زینبم شجاعتین کانیام
دریای صبر و غیرت امکانیام
سوموکلریمده مرتضی جانی وار
فاطمه نون سینه سینون قانیام
.
.
من زینبم غملر منی یورانماز
سینمده غم قوشی یووا قورانماز
آسوده یات قان بسترونده قارداش
قیزلاریوه بیر کس الون وورانماز
.
.
من زینبم غم قلبیمه قالانوب
غصه یوروب منی صبریم جالانوب
شمرون یالین خنجرینه ال آتدیم
ائله چکدی اللریم پارچالانوب
.
.
من زینبم فلک منه غم یازوب
دنیا بویی توشه می ماتم یازوب
اوشاقیدیم سالدی قرا باشیمه
بش یاشیمدان قامتیمی خم یازوب
.
.
من زینبم حوریلرون تاجیام
یدی گوزل برادره باجیام
فلک منی گور نجه خوار ایله دی
ایکی آرشین کفنون محتاجیام
.
.
من زینبم حسینه غم یولداشی
دولاندیم عشقیله چولی داغ داشی
قبریمون داشینا یازون بو سوزی
گوزلرینی باغلامادی قارداشی
.
.
.
#زینبیه_مدح
#زینبیه_شهادت
#اوخشاما
#من_زینبم_درده_دوا_منده_دی
#ساعد_زنجانی
#ترکی
.