یا مهدی
.
زبدة الاشعار
.
: @nohe_torki
.
هدایتی تبریزی
.
عشقیم ، سنین عشقنده طغیان ائله سم آزدی
جان یوخ ، سنه مین جان دا قربان ائله سم آزدی
.
گل گل قدمون قویسان بو گوزلریمه خوشدور
عمرم جه سنی دلده مهمان ائله سم آزدی
.
گل باشه تصدّق قیل بو خانه سی ویرانی
ویران ائوی بوندان دا ویران ائله سم آزدی
.
حسرتدی گوزوم یولدا گل حسرتمی قورتار
دارایمی وصلنده احسان ائله سم آزدی
.
اعلان ائدیرم بولسون عالم کی سن عشقیم سن
لاهوته ده بو عشقی اعلان ائله سم آزدی
.
شام و سحریم آغلار گئچدی خبرین وارمی
صبریم ائوینی غمدن تالان ائله سم آزدی
.
جانسان ، می و میناسن ، زیبا و دل آرا سن
هر بزم ده تعریفون عنوان ائله سم آزدی
.
پیمانهء عشقندن آتشکده دی قلبیم
سوزان دلی بوندان دا سوزان ائله سم آزدی
.
آچ پرده جمالوندان وئرسین باشنی چوخلار
عشقنده گران باشی ارزان ائله سم آزدی
.
هر بیر قدم آتدوقجا دونسم باشوا خوشدور
فدیه باشوا درّ و مرجان ائله سم آزدی
.
یاپراق کیمی سولسام دا یانسام دا کول اولسام دا
آلسام مدد عشقندن طوفان ائله سم آزدی
.
آخسا گوزومون یاشی غرق ایله سه دنیانی
بو عالمی اشکیم له عمّان ائله سم آزدی
.
سنسیز منه بو دنیا زندان ضلالت دی
احوال ( هدایت ) دن افغان ائله سم آزدی
.
#مهدیه
#عشقیم_سنین_عشقنده_طغیان_ائله_سم_آزدی
#هدایت_تبریزی
#ترکی
.
#زبدةالاشعار
.
: @nohe_torki
نظر دهید