مناجات و عرض ادب محضر حضرت اباعبدالله الحسین (ع)
.
✍️ زبدة الاشعار ✍️
.
🆔: @nohe_torki
.
✔️ مرحوم تائب
.
مهرون حسین بو عالم امکانه ویرمرم
گنج گراندی قیمت ارزانه ویرمرم
.
دل جایگاه عشق حسیندور بو دلده من
یر ایسته سه محبّت بیگانه ویرمرم
.
ای پاک تربتی منه مهر نماز اولان
بو مُهر پاکی ملک سلیمانه ویرمرم
.
بو گوز یاشی که سندن اوتور دیده دن آخور
بیر دردور که گوهر غلطانه ویرمرم
.
بو اشک شوره شربت شیرین جزاده وار
بیجا یره بو اشکیمی دامانه ویرمرم
.
ای سید شباب جنان سن یاتان یری
مین لر بهشت و روضۀ رضوانه ویرمرم
.
عطرون بهشت عطریدی روح بهشت سن
بو عطر پاکی نکهت ریحانه ویرمرم
.
ای کربلا صفاسی مزارون صفاسینی
سیر و صفای باغ و گلستانه ویرمرم
.
گر باغ کربلانی تاپام نغمه خوان اولام
هرگز مجال بلبل خوشخوانه ویرمرم
.
ایتسن منی قبول قاپوندا گدالیقا
بو افتخاری عزت سلطانه ویرمرم
.
بیر قاره که غمونده سنون گییَّم اگنیمه
من بو قَرانی خلعت الوانه ویرمرم
.
مین لر گله تیر شماتت بو نشئه ده
آلّام بو جانیمه بیرینی یانه ویرمرم
.
بیر جرعه گر فرات سویوندان ایچم حسین
اول جرعه آبی چشمۀ حیوانه ویرمرم
.
عشقون مریض ایدوب منی عشقون طبیب اولوب
بو نبضی دست اوزگه طبیبانه ویرمرم
.
دردیم محبّتوندی دواسی محبّتون
بو درد عشقی سایر درمانه ویرمرم
.
نام حسین قویوب باشیما تاج افتخار
بو امتیازی افسر شاهانه ویرمرم
.
دائم حسینیدن اولی عنوان صحبتیم
من بو بیانی سایر عنوانه ویرمرم
.
پایانه ویرّم عمریمی عشق حسینیله
عمریم گیدر بو عشقیمی پایانه ویرمرم
.
تشریفون اولماسا باشیم اوسته ویرنده جان
آسان بو جانی آند اولا جانانه ویرمرم
.
من معرفت سیز آغلامارام بوش اولا الیم
بی جا یره بو اشکیمی دامانه ویرمرم
.
من تابعم حسینه او سلطان دین دیوب
بیعت الینی زادۀ سفیانه ویرمرم
.
من « تائبم » خدا ئوزی توفیق ایدر عطا
عمریمجه تن مطالب بُطلانه ویرمرم
.
.
هشتک های مشابه ⬇️⬇️
#مهر_تو_را_به_عالم_امکان_نمی_دهم از #موید_خراسانی
#رنج_تو_را_به_گنج_فراوان_نمی_دهم از #سازگار
#ما_کنج_دل_به_ساحت_رندان_نمی_دهیم از #مصیبی_تبریزی
#عشقون_صفاسین_عالم_امکانه_وئرمرم از #خامل
#مهرون_حسین_بو_عالم_امکانه_ویرمرم از #تائب_تبریزی
#مولا_بو_عشقی_عالم_امکانه_ویرمرم از #خوندل_تبریزی
#کوی_حسینی_ساحت_سینایه_وئرمرم از #مصیبی_تبریزی
.
.
#حسینیه_مدح
#ترکی
.
✍️ #زبدةالاشعار ✍️
.
🆔: @nohe_torki
نظر دهید