عشق آتشینه یانماقا چوخ شایقم الله #زینبیه_حضرتی_هاتف

زبانحال حضرت زینب سلام الله علیها
.
.
.
سعید حضرتی “هاتف”
.
عشق آتشینه یانماقا چوخ شایقم الله
من کربُ بلا توپراقینا عاشقم الله
.
آند اولسون او یول یولداشیما، زین العباده
تن شامیده ، روحوم دولانیر کربُ بلاده
.
من بیر یارالی زورقم و نوح حسیندی
من بیر قوری، یالقیز تنم و ، روح حسیندی
.
بو لنگه دوشن زورقی سن نوحینه چاتدیر
لطف ایله یورولموش تنی تئز، روحینه چاتدیر
.
غربتده غریب إئلده منیم جانیمی آلما
دلدار و کمک سیز منی تابوتیمه سالما
.
پروانه یانار، شمعینه خاطر، سسی چیخماز
غربتده، غریب ئولسه، یقیناً کسی چیخماز
.
بوغصّه یه، بونیسگیله هیچ کس دوزه بیلمز
جان اوسته آخور گوز یاشیم هیچ کس اونی سیلمز
.
منده بو قَدَرغصه و اندوهه دوزوم یوخ
افسوس که وقت یوخ، ولی دلداره سوزوم چوخ
.
بیر خاطره ذهنیمده گزیر ایندی ده حتی
حتماً قالاجاق نیسگیلی قبریمده ده یاددا
.
دوشدوخجا منیم یادیمه، شرمنده اولار دل
دردیم دئشیلر، نار خجالتده یانار دل
.
من قارداشیما مهر و وفا بوشلییام الله
بیرکولگه سالان، یاخجی عبا بوشلییام الله
.
گوردوم دم بختیمده اونون مهر و وفاسین
بیر گون إئلَمیشدی باشیما سایه عباسین
.
وئرمیشدیم اوگون قول، که جبران إئدم الله
حقّیمدی چکم ایندی گر آه اوستونه هی آه
.
ایندی نه یوزیله چاغیریم دادیمه گلسین؟
یورقون بدنیله، نجه امدادیمه گلسین؟
.
اوچ شعبه لی اوخداندا بتر که اولا اوندان
گون پیکرعریانینی سالمیشدی ایاقدان
.
فریادینه چاتدیم، ولی شرمنده قیتدیم
جبران وفا إئتماقا چوخ سعی لر إئتدیم
.
افسوس که پیس وقتیده اللر بوشا چیخدی
آخر إئویمی جور و جفا توپراقا یخدی
.
بنزیردی قیامت چولونه گور نجه میدان
بیر پارچا کفن تاپماقادا اولمادی امکان
.
هر لحظه که مقتل تیکیلیر گوز قاباقیمدا
بیر قطره تاپیلمور داهی سو دیل دوداقیمدا
.
قالسین هله، غم درد و دیلیلن باشا چاتماز
شرمنده ده اولسام، بیلیرم، او منی آتماز
.
.
#زینبیه_شهادت
#عشق_آتشینه_یانماقا_چوخ_شایقم_الله
#حضرتی_هاتف
#ترکی
.
.