علاقه مندیدی هرکیم حسینه دنیاده #حسینیه_انور_اردبیلی

جنایات متوکّل در باب منع از زیارت سیدالشهدا(ع)
.
زبدة الاشعار

?: @nohe_torki
.
مرحوم انور اردبیلی
.
علاقه مندیدی هرکیم حسینه دنیاده
نتیجه سین آلاجاق شبهه یوخدی عقباده
.
رضای حقدی حسینون رضایتی سوز یوخ
محبّینه اولاجاقدور شفاعتی سوز یوخ
.
کیمون شفاعته وار احتیاجی عقباده
گرک کمک ائده زهرایه دار دنیاده
.
گرکدی دهه ی ماه محرم هر ایلده
یانوب چراغ عزا شعله چکسون هر دلده
.
بلی حسینه نوا ایلمک عبادتدور
حسین اطاعتی معبودیچون اطاعتدور
.
صلوة و صومی ائدن پایدار حسین قانیدور
مرام کفری ائدن تار و مار حسین قانیدور
.
توکوب سرشکوی گوزدن حسینه انصار اول
سلام ائله گوزی یاشلی او شاهه زوّار اول
.
بو بزم ماتمی رونقلی ایله گوزیاشدان
حسین محبّتینی باشلاسون قلم باشدان
.
یادیمدادور اوخیدی بو سوزی بیر اهل خبر
دوشن زماندا خیاله منه چوخ ایلر اثر
.
ایاقلیوبدور حقی ائتمدی خدادن هراس
خلافت امرینی غصب ایلدی بنی عباس
.
همان بو سلسله ده ظلم ائدوب رقم به رقم
بنی امیّه کیمین آچدیلار جفایه علم
.
سوزون دالین دیورم قلبیده تصور ائله
خلافتی متوکّل سالان زماندا اله
.
او ظالم حکم ائلیوبدور جهانی داغلادیلار
او غملی کرب و بلانین یولونی باغلادیلار
.
حسین محبّ لری قبرینه قالوب حسرت
گئدوب بیر عده سی گیزلینجه کسمدی الفت
.
خبر یتوب متوکل ائدوبدی آیری جفا
اونون جفاسینی یازسون قلمده یوخ یارا
.
بوئیدی فکری قویا قبر شاهی بی زوّار
زیارتون ائلیوبدور شرایطین دشوار
.
ائدوبدور حکم مزارین کیم ایستیور گورسون
حسین یولیندا گرک صاق بلنگنی وئرسون
.
ائله خیال ائلدی قانیدن کچن اولماز
حسین یولیندا شیرین جانیدن کچن اولماز
.
همان زماندا چیخوب بیر نفر احبّادن
زیارت عشقی اونی سالدی عشق دنیادن
.
اولوبدی داوطلب مهرینی نشان وئردی
خوشا سعادتینه عالی امتحان وئردی
.
مقام عشقیده اولدی بلایه آماده
آپاردی صاق الینی وئردی دست جلاده
.
محبتین علمین بو جهاندا اسدیردی
رضایتیله ئوزی ئوز الینی کسدیردی
.
حسین یولیندا بلگدن الی جدا اولدی
بلنگی یاره لی زوار کربلا اولدی
.
اولوبدی چون متوکل بو حالیدن حالی
اثر بغض و ستمدن پوزولدی احوالی
.
یغوبدی باشینه عمالین ایلدی شورا
همین او بزمیده مطرح ائدوب او شوم دغا
.
گرک بو باره ده فکر و قضاوت ایلیه سوز
منیم خیالیمی بیر دفعه راحت ایلیه سوز
.
نه قیمته اولور اولسون ولی سوزوم یتسون
حسین مزارینه زوّار قویمیون گئتسون
.
دئدیله واردی بو امر مهمه بیر چاره
همان او چاره چکر داغ قلب زواره
.
گر ایسته سون اورگون بی غم و ملال اولسون
حسین مزارینی حکم ایله پایمال اولسون
.
محبّلر اورگی قان اولار همین یارادان
عزیز فاطمه نون قبرینی آپار آرادان
.
بو نقشه قلبوی بالمرّه شادکام ائده جک
مزاری اولماسا زوارلر هارا گئده جک
.
خلاصه سوز متوکل اولوب بو رأیه رضا
بدون واهمه ائتدی او نقشه نی اجرا
.
حسین مزارینون اوسته او مرد شوم و شرور
عجب جسارت ائدوب یولّادی نچه مأمور
.
گلنلرون هاموسی صاحب جفا و عنود
بیریسینون آدی ابراهیمیدی اهل یهود
.
خراب ائدوبلر حسینون مزارین از ره کین
او آلتی گوشه لی قبرون پوزوبدیلار شکلین
.
همان زمانیده ابراهیمون اوجالدی سسی
یاخون اولوبدی که دوشسون شماریه نفسی
.
ایتوردی ال ایاقین دؤندی گوزلری ابره
دوباره قازدیقی تپراقی اندیروب قبره
.
سوروشدیلار ندور علت پوزولدی احوالون
سارالدی رنگ رخون برهم اولدی احوالون
.
دئدی او منظره که من بو قبرده گوردوم
اورک دونوبدی جفا آتشینی سوندوردوم
.
بو قبریده یاتان حقدور حقیقتی واردور
دینمورم نجه سوزشلی حالتی واردور
.
یاتوبدی قبرده بو شاه انس و جان گوردوم
قورومیوب یاراسی اوسته لخته قان گوردوم
.
اورگیمون باشینا اود منیم بو نکته سالوب
بالاجا بیر اوشاقی سینه سینون اوسته آلوب
.
او حالتیکه گوزوم گوردی من دینمیورم
او خورداجا بالانون سرّینی بیلنمیورم
.
بو مطلبی کچورم من بیلولّر اهل خبر
بو شرح اولان خبره واردی شاهد دیگر
.
عزیز فاطمه دن بیر خبردور اجمالی
ائدوبدی بحر العلومی بو سرّدن حالی
.
سالاندا یاده دایانمور سرشکی گوزلریمون
ئوزی بئله بویوروب یوخ مزاری اصغریمون
.
ولیک واردور اونا خوابگاه شایسته
یاتورتمیشام قوزی قربانیمی سینم اوسته
.
اگرچه یاره لی قلبیمده نسگلیم واردور
سینمون اوسته ولی قرمزی گلیم واردور
.
یارالی سینمون اوستونده خواب ناز ایلور
بشیکدی سینم اونا گاهواره نی نیلور
.
چیخاتمیور سسینی قورخودوبدور اوخ گوزینی
آتوب سویون داشینی راحت ایلیوب ئوزینی
.
مؤثر حالتی وار داغلی قلبیمی داغلار
بوغازینون یاراسینا یارالاریم آغلار
.

#کربلا_آرزوی_کربلا
#حسینیه_شهادت
#اصغریه_شهادت
#علاقه_مندیدی_هر_کیم_حسینه_دنیاده
#انور_اردبیلی
#جلوه_عاشورا2_انور
#ترکی
.
#زبدةالاشعار

?: @nohe_torki