شفاگرفتن یک مریض از حضرت علی اصغر(ع)
.
✍️زبدةالاشعار✍️
.
🆔: @nohe_torki
.
فتح الله خدانواز
.
تعریف اولوب بو سوز منه بیر دلفکاریدن
گلمیشدیلر زیارت ایچون شهر ساری دن
.
آدی محمدیدی برومند بیر جوان
دردیم دیوردی بیرگونی گچدی شماریدن
.
گزدیم جهانی دردیمه درمان تاپانمادیم
گوردوم یورولموشام داخی بو روزگاریدن
.
جرّاحیلر طبابتیمه عاجز اولدولار
هی گون به گون دوشوب بدنیم اختیاریدن
.
یارب دئدیم گئدوب کیمه بس دردیمی دیوم
گوندوز منه قرانلوق اولوب لیل تاریدن
.
بیرگون اؤ قدری شدتی آرتیلدی دردیمون
تپراقلاری قازیردیم الیملن جداریدن
.
ترک ایلدوم ائوی گجه دیوانه لر کیمین
گئچمیشدی گوئیا گجه نون وقتی یاریدن
.
آزدیم یولی محلّی ایتوردوم تاپانمادیم
دویدوم جفای چرخ کج فتنه کاریدن
.
طوفان اولوب هوا دوتولوب یل سیزیلدادی
گوز هئچ یری گورنمدی گرد و غباریدن
.
چارم کسیلدی شدتی آرتوردی دردیمین
ئوزدوم امید الیم هامی خویش و تباریدن
.
نه بیر چراغ واریدی نه ده بیر آچوق قاپی
آرام اولوردی قورخی دل بی قراریدن
.
هردم دوشوردی یادیمه محشر اؤ صحنه ده
عالم گوزومده بدتر اولوردی مزاریدن
.
گوردوم اوزاق محله ده بیر نور گورسنور
قلبیم گوزرّنوردی یانوردی شراریدن
.
یوز قویدوم اول محلّیه ایتگین اوشاق کیمین
جانیم چیخوردی محنت و درد و فشاریدن
.
چاتدیم اؤ نوره گوردوم آچیخدی همان قاپی
شک ایلدیم ئورک آلیشوب یاندی ناریدن
.
گوردوم که نصب اولوب قاپیا بیر قرا علم
اوستونده یاحسین یازیلوب زرنگاریدن
.
باخدیم بیر آز اؤ پرچمه دوتقون بولوت کیمین
الهام آلوبدی گوزلریم ابر بهاریدن
.
نه سرّ وار دئدیم قاپولار جمله باغلیدی
هئچ یرده یوخدی نور اثری استتاریدن
.
بیرجه ایشیق بو یرده دی که نصب اولوب علم
بیر بو قاپی آچیخدی باخوردوم کناریدن
.
مبهوتیدیم بو سرّه اؤ دم چیخدی بیر نفر
ال سینه سینده اشگ النوردی عذاریدن
.
عرض ایلدوم آقا نه خبر وار بو صحنیده
آگاه ائله منی دوشورم اختیاریدن
.
فرمایش ایلدی آقامون بزم یاسیدور
گل سنده بهر فیضووی آل بزم یاریدن
.
یوخ طاقتیم دئدیم منی درد و بلا یوروب
درمان تاپولمور اینجیمیشم بخت تاریدن
.
باخدی دئدی طبیبلرین اصلی بوردادی
گل چاره ایسته دردیوه آل تباریدن
.
بوردا دئدیم مگر تاپولار چاره دردیمه
چوخ یر گزوب یورولموشام آخر بو داریدن
.
کیمدور بو قدری وصف ائلیورسن بو دکتری
بو نصف شب گلوب بورا هانسی دیاریدن
.
یوخدور پولوم نئدوم ندی چارم تالانمیشام
یانسون گرک یانان ئورگیم آه و زاریدن
.
پول ایستمور بویوردی سنون گوزیاشون که وار
بوردا ویزیت حساب اولونار اشک جاریدن
.
سنده گتور خلوصیله بازاره گوزیاشون
اشگین بهاسی چوخدی زمرّد نگاریدن
.
آدلی طبیب لر ساتور اشگین بو دکتره
درمان آلور بهاسینه بو شهریاریدن
.
گر ایستسون آدین بیله سن سسله یاحسین
فطرسلری بودور قوتاران انتظاریدن
.
بیر دفعه یاحسین اوجادان سسلدیم اؤ دم
شرمندیم دئدی اؤ شه تاجداریدن
.
هئچ بیلمدیم داخی نجه گئتدوم اؤ مجلسه
قوزاندی آه و وا سسی خرد و کباریدن
.
هی دمبدم اوجالدی گوگه یاحسین سسی
نزدیک اولوردی که چیخا جانیم فشاریدن
.
ناگه توسّل ائتدیله باب الحوائجه
ایستوردیلر دوا منه دیلسیز نگاریدن
.
گوردوم حسین اؤ دم دایانوب الده اصغری
اشگیم دولاندی قانه الندی عذاریدن
.
دوتدوم علیّ اصغرین اول قانلی قنداقین
بدتر اولوبدی گوزیاشیم اشگ بهاریدن
.
قانلی قماطیدن دئدیم ال چکمرم آقا
درمان آلام گرک بو سوسوز شیرخواریدن
.
کسمه امید الیم بیلوسن یوخ امید ائویم
درمان تاپیلمیوب منه هئچ بیر دیاریدن
.
مشگلدی بوشلیام داخی بو قانلی قنداقی
تا مطلب آلماسام یارالی جان نثاریدن
.
عرشه اوجالدوب اصغر اؤ دم خوردا اللرین
اللر دعاده بیر بیرینه وردی لبلرین
.
گاهی باخوب حسینه گهی عرش داوره
گاهی اشاره ایلدی زهرای اطهره
.
گوردوم گوزیندن اشگ النور گل عذارینه
الله بیلور اؤ ساعت اولوبدور نه منظره
.
آیا نجه دیوم بو سوزی یابن العسکری
قلبیم گرک یانوب اولا صدپاره اصغره
.
بیر لرزه دوشدی جانیمه ناگه اؤ صحنه ده
دوردوم ایاقه یالوارام اول ماهه بنذره
.
بیردن دوراندا سسلدیم ای اوچ پر اوخ امن
قربان اولوم یانان دوداقا قانلی حنجره
.
وئرّم قسم اؤ غصّه لی بیماره ای آقا
کرب و بلا گوزینده دولانمیشدی محشره
.
وئرّم قسم غریب آناوین اشگ پاکینه
طوی حجله سی عزایه دؤنن غملی خواهره
.
وئرّم قسم عم اوغلووین القان حناسینه
قانلی مناده قانه باتان قاره تللره
.
وئرّم قسم اؤ قامتی ظلمیله دوغرانان
قانلی عبا ایچینده گلن قانلی پیکره
.
وئرّم قسم اؤ قدّی اوجا قولّاری اوزون
باب النّجات اولان خلف شیر داوره
.
وئرّم قسم اؤ اوخ ویریلان سجده گاهینه
لاله مثالی قان بورونن حُسن انوره
.
وئرّم قسم عمون یاپیشان حق لواسینه
نهر فراتین اوسته دوشن قانلی شهپره
.
وئرّم قسم علی قیزینون قانلی زلفینه
چوللرده وای بابا چاغوران نازلی دختره
.
وئرّم قسم سنی اؤ اوجا نیزه اوسته کی
کهف آیه سین تلاوت ائدن پور حیدره
.
کسمه امید الیم اتگوندن آدامسیزام
باخ بیر گوز آلتی لطف ائله بو زار و مضطره
.
گوردوم که غنچا لبلر اؤ دم دگدی بیربیره
بیلدوم دیور که شکر ائله خلّاق داوره
.
دوشدی تلاطمه بدنیم ایلدوم قیام
باخدیم اؤ اوچ پر اوخ ویریلان قانلی حنجره
.
بیر نور اوجالدی ناگه اؤ قانلی بوغازیدن
دوشدوم یره باخاندا اؤ نور منوّره
.
ناگه اؤ صحنه لر گوز ائویندن اولوب نهان
دنیا گوزومده دوندی اؤ ساعتده محشره
.
هی دمبدم اوجا سسیلن سسلدوم آقا
نالم سالوبدی ولوله یانمیش اورکلره
.
آلدیم شفامی سویدولار یکسر لباسیمی
اولدوم غلام اؤ گوندن اؤ شش ماهه اصغره
.
راوی دیلیجه یازدی(نوازی) بو مطلبی
آخر دخیل اولوب ئوزیده نازلی دلبره
.
.
#اصغریه_خدانواز
#اصغریه_مدح
#تعریف_اولوب_بو_سوز_منه_بیر_دلفکاریدن
#ترکی
.
✍️#زبدةالاشعار✍️
.
🆔: @nohe_torki
نظر دهید