زبانحال حضرت زهرا (س) به حضرت علی (ع)
..
..
مرحوم کریمی مراغه ای
..
..
اود ووردی قوم کافر درباره گل عم اوغلی
اشرار ایچینده قالدیم آواره گل عم اوغلی
..
..
گلزار مصطفاده بیر تازه گلدی زهرا
آخر سرور قلب ختم رسلدی زهرا
آیا نه اگلشوبسن گل داده ئولدی زهرا
توش اولدی غملی سینم مسماره گل عم اوغلی
..
..
جدیم وفات ایدنده ایتدی سنه وصیت
زهرانی سالما گوزدن ای معدن کرامت
گل گور نه حاله دوشدی طاها ویرن امانت
اولدی یارالی قلبیم صد پاره گل عم اوغلی
..
..
گلزاریون صفاسین باد خزان آپاردی
خار جفا گلوندن تاب و توان آپاردی
تیز گل یارامی باغلا زهرانی قان آپاردی
مغلوب اولوب چمنده گل خاره گل عم اوغلی
..
..
من نیلمشدیم آخر بوقوم بدسکاله
اعدا نه جرئتیله سالدى منى بوحاله
ئولدی بالام بویاندیم آلقانه همچو لاله
زاغ و زغن تاپوب ال گلزاره گل عم اوغلی
..
..
من گلشن نبیده میل ایتدیم آب و دانه
سن عزتیله دوتدون گتدون بو گلستانه
گل عندلیبون ئولدی اودلاندی آشیانه
سیندی پریم سیخیلدیم دیواره گل عم اوغلی
..
..
هیچ گل چمنده من تک فوری آچوب سارالماز
چوخ قیز چکر مصیبت اما بوحاله قالماز
سینمده کی جراحت حشره کیمی ساغالماز
باخ ظلمدن بدنده آثاره گل عم اوغلی
..
..
دوزدوم سنون ایوونده هر محنت و بلایه
اوچ گونلریله قالدیم آج ایتمدیم گلایه
ایمدی منی یخوبلار هیچ گلموسن هرایه
ئوللم یقین بو درده یوخ چاره گل عم اوغلی
..
..
اون سگیز ایل عم اوغلى عمر ایلدیم جهاندا
غم غصّه دن آغاردی زلفیم بو آز زماندا
جدّیم گلوب گوریدی اعدا منی وراندا
جاری اولور سرشگیم رخساره گل عم اوغلی
..
..
هاردا قالوب حسینیم گلمور ندن صداسی
اوغلوم حسن دی گلسون جان اوسته دور آناسی
گورسه بو حالی زینب عرشه چخار نواسی
کلثومله قالولار بیچاره گل عم اوغلی
..
..
هر کس وفات ایدنده سن ایلسن عیادت
گل باری جان وئرنده منده ایدوم زیارت
پهلولریم سینوبدور یوخدور بدنده طاقت
زهرانی قویما حسرت دیداره گل عم اوغلی
..
..
قویما «کریمی» شاها هجر آتشینده یانسون
نار فراقون ایتسون قلبین کباب اوصانسون
سن دعوت ایله گلسون بیر باشوه دولانسون
بیر وقفه یولداش اولسون زواره گل عم اوغلی
..
..
#فاطمیه #کریمی_مراغه_ای #ترکی #زبدةالاشعار #فاطمیه_شهادت
نظر دهید