زبدةالاشعار

علی آچ گوزلرون جانه گلوب لیلا آنان سنسیز #اکبریه_هوشی_تبریزی

زبانحال حضرت لیلی سلام الله علیها
برسربالین حضرت علی اکبر علیه السلام
.
✍️ #زبدةالاشعار ✍️
.
🆔: @nohe_torki
.
مرحوم غلامعلی باقری الهامی ( هوشی تبریزی )
.
.
علی آچ گوزلرون جانه گلوب لیلا آنان سنسیز
نجه گورگوزیاشین گوزدن یوزایلرروان سنسیز
.
.
گلستان بهاریمده گل خوشرنگ وبوئیم سن
جهاندا حاصل عمروم مراد وآرزوئیم سن
عـزیز جان انیس غم جوان لاله روئیم سن
داخی سولدون سولارگلشن دورای سروروان سنسیز
.
.
ندن بوسنبل زلفون بونوعیله باتوب قانه
سینوبدورخوشه سی اوسته دوشوب صحن گلستانه
گتورقوی باشیوی بیرده دیزیم اوسته ایدیم شانه
پریشان حالدورلیلی چوزلف خونفشان سنسیز
.
.
رخ رخشانیوه آی تک چکوبدور ابرخون پرده
بیر اوزگه حالیده گوررم سنی قلبیم گلر درده
یانارصدچاک اولارگویلوم آخاراشکیم رخ زرده
صباح وشام هجرونده دلیم ایلرفغان سنسیز
.
.
بوگلزار وفاده سن گولومسن من سنه بلبل
دل افسرده اولاربلبل اگرگورسه سولوبدورگل
دلون قربانی بیردیللن گلوب نطقه دانش بیرگول
روا بولمه اولا تیرغمه سینم نشان سنسیز
.
.
دوزولموش قرمزی قاندان یوزونده گل کیمی ژاله
نه خوشدورمنده گل اوسته ایدم بلبل کیمی ناله
دوزرهانسی آنا سویله اوغول عالمده بو حاله
نه نوعی بولمورم من ایلیوم تاب وتوان سنسیز
.
.
گلستان وجاهتده سن اول سرو دل آراسن
جمال پاک طاهایه اوغول حسنونده دارا سن
قرار و صبروآرام دل مجروح لیلاسن
توکوب کول باشیمه دست فلک ای نوجوان سنسیز
.
.
گوز آچ ای قلبیم آرامی همان لیلای محزونم
آدیم هر چند لیلا درو ولی هجرونده مجنونم
بسان لالۀ نعـمان گلوب جانه جگر خونم
داخی من دویموشام جاندان بوعالمده اینان سنسیز
.
.
جفای قوم اعـدادن دوشوبسن بیله دلخسته
نولوبدورسینۀ لیلا یاتوبسان ایسسی قوم اوسته
گتورباشیم دیزیم اوسته اوغول قوی بیرده آهسته
آلوم عطرون دوزوم بلکه فراقه بیرزمان سنسیز
.
.
سپاه منت و اندوه ایدوب دل صبریمی تاراج
بلا پیکانینه قلبیم جفائیله اولوب آماج
کیمه من کشف رازایلوم انیسه اولموشام محتاج
کیمه اوز دردینی آخردیسون بوباغریقان سنسیز
.
.
فدای عشق اولوب آخرده جاناندا جان ویردون
طریق عشقی بوچولده جهانه سن نشان ویردون
بساط عشقیده به به عجب بیرامتحان ویرد ون
صفا تاپمازدی بوچولده بساط امتحان سنسیز
.
.
علی بوچولده سن گیتدون عجب مقصودیوه چاتدون
ره جاناندا قربان تک بله اوز قانیوه باتدون
اوزون وصله یتوب گوزدن من بیچارنی آتدون
یقین بوللم که هجرونده اولارقدّیم کمان سنسیز
.
.
گوزون آچ ای بوصحراده آخان سوتک قزل قانی
چیخوربوبی کسین دیلدن نجه گورعرشه افغانی
ملالون قویمیوب منده داخی طاقت علی جانی
گوزومده تاراولوب یکسرخراب اولموش جهان سنسیز
.
.
گلستان وفاده بیرستمله نوگولوم سولدی
جفای خاریله اودلی دلیم القانیله دولدی
یوزوم گولمزمنه بوندان صورا ناله انیس اولدی
بهارعیشیمه اسدی منیم باد خزان سنسیز
.
.
دیم گربیربه بیریتمز دیماقیله غمیم باشه
سنه واضحدی گرباخسان گوزومده قان اولام یاشه
امیدیم یوخ الیم چاتمازبوچولده قوم و قارداشه
تاپولمازمونس ومحنت بوزاره بیگمان سنسیز
.
.
یانار پروانه لریکسر شرارشمع آهـیمدن
اوغول بیحد گلایم وارسنه بخت سیاهیمدن
الیم آفاقیده چیخـدی امیدیمدن پناهیمدن
اولوبدورطائرحزنه بوسینم آشیان سنسیز
.
.
ایدوب تیرمحن بسکه دل صد پاره می پاره
اودورعلّت اولاراشکیم دمادم جاری رخساره
گیدوب سن مقصده چاتدون منی ایتدون گونی قاره
صباح وشام اولارآدون منه ورد زبان سنسیز
.
.
خدنگ هجریله آخربو اودلی سینمی دللم
دوشوب باشون دالینجا من دیارشامه تک گللم
دوزنمزهجریوه بیرآن بوزاروخسته جان سنسیز
.
.
یازاندا بوسوزی(هوشی) یتوب توفیق ربانی
اودورخوش طرزیله باشه یتوردی بیله عنوانی
دمادم ذکر ایدردلده زبان حال لیلانی
علی آچ گوزلرون جانه گلوب لیلا آنان سنسیز
.
.
.
#اکبریه_هوشی_تبریزی
#اکبریه_شهادت
#علی_آچ_گوزلرون_جانه_گلوب_لیلا_آنان_سنسیز
#ترکی
.
✍️ #زبدةالاشعار ✍️
.
🆔: @nohe_torki

نظر دهید

جستجو در نام شاعر یا مناسبت

Search

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search

دسته بندی درختی

دسته بندی درختی

Generic filters
Exact matches only
Filter by Custom Post Type

More results...

Generic filters

Filter by Custom Post Type

نتایج بیشتر ...