علی زلفون ثمنی روضۀ رضوانی آلار #اکبریه_میرزاعلی_عظیمی

حالات حضرت علی اکبر(ع)
..
..
..
..
میرزا علی عظیمی
..
..
..
..
علی زلفون ثمنی روضۀ رضوانی آلار
ذرّۂ نور جمالون مه تابانی آلار
..
..
..
..
مظهر لیل دجادور سر زلف سیهون
تاب آلور غمزده لیلادن اوغول هر نگهون
وار مژون تک گوزوون اوسته منظم سپهون
چکسه لشگر شه حُسنون ایکی دنیانی آلار
..
..
..
..
بنذر ابروی کجون هر بیری آی پاره سینه
گر زلیخالری شامون چخا نظّاره سینه
قان دولان گوزلروون باخدوقیجان قاره سینه
سؤیلیلّر باخوشون یوسف کنعانی آلار
..
..
..
..
حضرت خاتمه سن بنذریدون صورتدن
اوخشیوردون عمون عبّاسه اوغول غیرتدن
لبلرون لعل بدخشانی سالار قیمتدن
نقطۀ خال لبون نقطۀ ایمانی آلار
..
..
..
..
هر سنه باخدوقیجان فخر ایلیردیم بویووا
دوندی دوران ایلدی غم قوشی قلبیمده یووا
قالدى صغرا کیمی لیلا على حسرت طویووا
الدن آخر بو غمون طاقت لیلانی آلار
..
..
..
..
نیزه اوستونده باشون شامه ایدور طی نهاج
صبریدن غیری آنون لیلیه یوځ راه علاج
قویدوقون باشوه قانیله اوغول قرمزی تاج
ارزیاب اولسا اگر تاج سلیمانی آلار
..
..
..
..
آیریلیق وقتیدی گل بوینوما سال باری قولون
هدفون دوزدی اوغول ایندی مبارکدی یولون
دولیدور خیمه قباقینده على صاق و صولون
بدرقونده باجیلار اللره قرآنی آلار
..
..
..
..
علی اکبر آدینا نوحه یازام وار هوسیم
گوز یاشیم مونس ایدوب دائمی دوتقون نقسیم
نیلورم مال و منالی علی اکبردی بسیم
بیر نظر ایتسه منه رحمت رحمانی آلار
..
..
..
..
#اکبریه #میرزاعلی_عظیمی #ترکی #زبدةالاشعار #اکبریه_شهادت