عمّه گل داده منی قمچی یوروب #راه_شام_اکبر_قنبری

زبانحال حضرت رقیه (س) در راه شام
.
#زبدةالاشعار
.
: @nohe_torki
.
اکبر قنبری تیکمه داش
.
عمّه گل داده منی قمچی یوروب
اولورم شمر و سنان بسکه ویروب
عمّه دئ شمر دنی
ویرماسین بسدی منی
.
.
عمّه سندن سورا یوخ دادرسیم
چاتموری بیر یانا بو چولده سسیم
قورخودان شمری گورن وقته بی بی
حبس اولور سینه ده یورقون نفسیم
عمّه دئ شمر دنی
ویرماسین بسدی منی
.
.
آغلیاندا آتاما قارداشیما
شامیان قمچی ویریلار باشیما
رحمسیزلر نه بیر اللهه باخور
نه یانیلّار بو آخان گوز یاشیما
عمّه دئ شمر دنی
ویرماسین بسدی منی
.
.
او قدر سیلی ویروبلار یوزومه
نئچه گوندور یوخی گلمیر گوزومه
یوخ سینیق قلبیمه تسکین وئره نیم
وای منه وای دئیورم اؤز اؤزومه
عمّه دئ شمر دنی
ویرماسین بسدی منی
.
.
من گلستاندا خزان دیده گولم
داخی عمرومده چتین بیرده گولم
یوخ سوزوم هر یارانان ئولمه لیدی
قورخورام من ولی اللرده ئولم
عمّه دئ شمر دنی
ویرماسین بسدی منی
.
.
عمّه آیدین گونوزوم قاره لنوب
قلبیم آیینه کیمی پاره لنوب
گوشواره م سویولان وقته بی بی
ظلم الیلن قولاغیم یاره لنوب
عمّه دئ شمر دنی
ویرماسین بسدی منی
.
.
دئمورم باشه قرا باغلامارام
یا بو محنتده اؤرک داغلامارام
ویرماسونلار باشیما قمچی دئنن
عمّه دای من اوجادان آغلامارام
عمّه دئ شمر دنی
ویرماسین بسدی منی
.
.
اوندا که سیلی گوروب گول یاناغیم
قورخودان اسدی بی بی دیل دوداغیم
آت قباقینده تیکانلیقدا منیم
قاچا قاچدا قابار اولموش ایاغیم
عمّه دئ شمر دنی
ویرماسین بسدی منی
.
.
من بو محنتده چتین زنده قالام
یوخدی اصغر داخی آغوشه آلام
عمّه ئولسم منی دفن ایله دئنن
ظلم الیندن داخی دینجلدی بالام
عمّه دئ شمر دنی
ویرماسین بسدی منی
.
.
عمّه جان آرزولاریم اولدی یالان
من تک اولماز قره گونلرده قالان
جور و ظلمیله بو صحراده بیبی
نئجه گور عزّتیمیز اولدی یالان
عمّه دئ شمر دنی
ویرماسون بسدیمنی
.
.
«قنبری» شام و سحر ائیله فغان
ائتدی بو نوحه سنین باغریوی قان
یاز بو نیسگیلی سوزی دفتریوه
ائت رقیه دیلیجن بئیله بیان
عمّه دئ شمر دنی
ویرماسین بسدی منی
.
#زبدةالاشعار
.
: @nohe_torki
.