زبدةالاشعار

قیلدی فاطمه اوغلی چون مکان کلیسانی #دیر_راهب_یحیوی_اردبیلی

دیر راهب

.
✍️ #زبدةالاشعار ✍️
.
🆔: @nohe_torki
.
مرحوم یحیوی اردبیلی
.
قیلدی فاطمه اوغلی چون مکان کلیسانی
گتدی باش آچوخ گوگدن مریم اوغلی عیسانی
.
.
فوج فوج اولوب نازل قدسیان اعلالر
گلدی دسته به دسته انبیای والالر
اولیا و ارواح و بانوان علیالر
نوره بوکدولر یکسر معبد نصارانی
.
.
باش آچوق ایاق یالین ختم الانبیا گلدی
بیرده مجتبائیلن شاه لافتی گلدی
هم خدیجه و حوا خیره النسا گلدی
تاپدیلار کلیساده نور عین زهرانی
.
.
دوره ویردیلار یکسر چارسوی صندوقه
آغلیوب باخاردیلار پبش روی صندوقه
بیر نفر الین آتدی روبروی صندوقه
آچدی فوق صندوقی گتدی راس عطشانی
.
.
بیر گئجه فقط مهمان اولموشیدی ترسایه
پاک ائدوب اونون قانین بوکموشیدی دیبایه
وئرممیشدی خولی تک کوللر اوسته پیرایه
گور جفای خولینی گور وفای ترسانی
.
.
بیر باشی که افسرده فاطمه گورنمزدی
اول باشون یارالارین اهل بزمه گورستدی
بیر به بیر ال اوستونده اول یارالی باش گزدی
نوبه یئتدی زهرایه دوتدی ناله دنیانی
.
.
فاطمه اوغول باشین آلدی اللری اوسته
نحر اولان بوغازیندان اوپدی اوپدی آهسته
جان کیمی اونی قیلدی سینه سینه پیوسته
گوزیاشین عذارینه توکدی کیپریگی سانی
.
.
ای سوسوز ئولن الده شاه مشرقینیم وای
اوخشارام سنی اوغلوم نور هر دو عینیم وای
گه تنوریده گاهی دیریده حسینیم وای
چوللره سالوب دردون گور نئجه بو نالانی
.
.
یاخمیشام قیزیل قانون زلفیمه بودور علت
حشرده اولا تا که آغلیانلارون راحت
زلفیمی اله آللام آغلارام همان ساعت
حق اوزی گرگ ائتسون قاتلونله دیوانی
.
.
ای شهید عشق الله ای رسول عاشورا
هر گئجه خیالونله «یحیوی» قورار شورا
ورد ائده لسانینده قدسیانیلن حورا
نظم ائدوب بو ابیاتی حاضر ائتدی دیوانی
.
.
.
#دیر_راهب_یحیوی_اردبیلی
#قیلدی_فاطمه_اوغلی_چون_مکان_کلیسانی
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  کربلایه کوفه دن گلدی علیِّ ابن الحسین #کهنمویی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی