زبانحال حضرت رقیه(س)
.
#زبدةالاشعار
.
: @nohe_torki
.
شبیری
.
عمّه گوره سن هیچ بیله دوران اولار اولماز
دنیاده منیم دردیمه درمان اولار اولماز
.
.
هجران اوخی هر شام و سحر باغریمی دلدی
ویرانه اولان قلبیده ویرانه دوزلدی
نه اکبری گوندردی بابام نه اوزی گلدی
بو فرقته ایّامیله پایان اولار اولماز
.
.
بیر شه که قیزی گوشۀ ویرانه ده قالسون
دشمن ستمی طاقت و آرامینی آلسون
سولسون گل رخساری اونون رنگی سارالسون
گور صبر و تحمّل ایوی ویران اولار اولماز
.
.
ویرانیه هر رهگذرون دوشسه گذاری
گوز یاشی آخار عرشه چیخار ناله و زاری
توپراقلاین اوستونده ای عمّه سنی تاری
پوزقون منی گورسه اورگی قان اولار اولماز
.
.
عمّه نیه بس بیزلری بیر یاد ایدن اولمور
قورتارماقا بوردان بیزی کیمسه گلن اولمور
واردور نه گونوم شام و سحردن بولن اولمور
دور گیت خبر آل بوردا مسلمان اولار اولماز
.
.
واضحدی که پیکان ایلمز شرم هدفدن
غم تیری دگر بیر اورگه نچّه طرفدن
ایکاش گله ایمدی بابام شامه نجفدن
اوندا گوره لر مشگلیم آسان اولار اولماز
.
.
سن کی دیوسن عمّه بابام کعبیه گیتدی
قویدی نیه بس بیزلری ویرانیه گیتدی
درکیم دیور امّا هارا گیتدی ، نیه گیتدی
انصاف ایله عرضیم بونا میزان اولار اولماز
.
.
بو رسمیدی یوخسا سفره گر گیده قارداش
هر شام و سحر باجی توکر عارضه قانیاش
سن آغلاماقون گیزلدوسن اولمیه تا فاش
گور قارداشون ئولماقلیقی پنهان اولار اولماز
.
.
مدّتدی که زلفیم کیمی آشفته دی حالون
آگهدی منه قلبده وار هر نه ملالون
معلومیدی قالمور داخی اوّل کی جلالون
قارداشی ئولن بیله پریشان اولار اولماز
.
.
قالسیدی بابام دشمن ایدنمزدی جسارت
قویمازدی قالام شامیده پا بند اسارت
دنیاده یتیم اولماقیما بیله مشقّت
عمّه اوزون انصاف ایله برهان اولار اولماز
.
.
عباس عمومون فکری گتیردی منی داده
ویردی غمی بو دلده اولان صبریمی باده
بولموب نه گلوب باشینه سالمور منی یاده
دنیا منه اوندان صورا زندان اولار اولماز
.
.
باشدان او گچن گونلریمی آتمارام عمه
وار علّتی من چوخ گیجه لر یاتمارام عمه
اکبر غمینی اوزگه غمه قاتمارام عمه
صبحه کیمی من تک باجی گریان اولار اولماز
.
.
حسرت چکرم هر گئجه گوندوز دیرم کاش
لطف ایلیه اکبر چکه بوردا منه بیر باش
واضحدی جهاندا باجی یه فخردی قارداش
گور گلسه بو ویرانه گلستان اولار اولماز
.
.
بیچاره آنام هی چکور اصغر دن اوتور آه
لیک ایستموری واردی نه مطلب اولام آگاه
گیزلینجه دوتور یوز گویه عرض ایلوری الله
گُل غنچه سی سو ایچمَسَه خندان اولار اولماز
.
.
بیر گون گلی ویرانه دونر گلشنه عمّه
ئوللم بو خرابه اولی مدفن منه عمّه
چوخلار گله جاقدور بو گوزل مدفنه عمّه
گورسونله بو یر روضه رضوان اولار اولماز
.
.
ای دخت شه کرب و بلا دردلره چاره
نوکردی «شبیری» سیزه اما یوزی قاره
احسان ایله قبرون اولا قسمت بو فکاره
نوکرلره شهزاده دن احسان اولار اولماز
.
#حضرت_رقیه_شبیری
#حضرت_رقیه_شهادت
#عمه_گوره_سن_هیچ_بیله_دوران_اولار_اولماز
#ترکی
.
#زبدةالاشعار
.
: @nohe_torki
نظر دهید