غربت خرابه ده یوخ یاریم عمه جان #حضرت_رقیه_ناطق_اردبیلی

زبانحال حضرت رقیه (س)
خطاب به حضرت زینب (س)
..
..
..
..
..
مرحوم ناطق اردبیلی
..
..
..
..
..
غربت خرابه ده یوخ یاریم عمه جان
دور بیر علاج ائله غمخواریم عمه جان
..
..
..
..
..
گوردوم گلوب شه عطشان خرابیه
اولموشدی بو گئجه مهمان خرابیه
سالمیشدی آهیله طوفان خرابیه
قان یاغدرور دل خونباریم عمه جان
..
..
..
..
..
گلمیشدی یانیمه ایندی بابام حسین
آلدى قوجاقینه اول شاه مشرقین
ال چکدی باشیمه عمه به شور شین
قانه دونوب دل افکاریم عمه جان
..
..
..
..
..
آلدى بابام منی عمّه قوجاقینه
قویدوم دوداقیمی قانلو دوداقینه
چوخ آغلادوم داخی دوشدوم ایاقینه
قیلدوم شکایت اغیاریم عمه جان
..
..
..
..
..
شمرون جفاسینی گتدوم بیانه من
گوزیاشیمی یوزه قیلدوم روانه من
سالدوم شراره کیم عمه جهانه من
چوخدور دئدوم بابا آزاریم عمه جان
..
..
..
..
..
وار شمردن دئدوم عمه شکایتیم
عرض ایلدیم اونا بیر بیر شماتتیم
بزم یزیدیده چوخ آرتدی محنتیم
اینجیتدیلر دئدوم كفّاریم عمه جان
..
..
..
..
..
سیلی یرین اونا گوستردیم عمه جان
قمچی دگن یری وئردیم اونا نشان
چوخ نازیمی چکوب من ایلدیم فغان
اولدی خرابه ده دلداریم عمه جان
..
..
..
..
..