اربعین
.
✍️ زبدة الاشعار ✍️
.
🆔: @nohe_torki
.
مرحوم شهاب تبریزی و مرحوم خوندل تبریزی
.
.
قبرون نه عجب عطر فشاندور آنام اوغلی
جان بخشدی بو عطر جناندور آنام اوغلی
.
.
بو مدّتی چکدیم نه قدر حسرت قبرون
تا اشک روانیله وئرم زینت قبرون
هر درده دوادور بولورم تربت قبرون
بیر رایحۀ خلددی چون نکهت قبرون
هر مرده دله روح و رواندور آنام اوغلی
.
.
عشقوندی دلیل سفر دور و دارزیم
هر درد و غمه دوزموشم ای بنده نوازیم
پروانه نی شرمنده ائدیب سوز و گدازیم
آگه سن اؤزون لطفیوه چوخ واردی نیازیم
ناز ائتمه منه یاتما اویان دور آنام اوغلی
.
.
بو طرزیله که پرپر اولوب سوری و سوسن
واردور یری بلبلر ائده ناله و شیون
حاشا یتیشه مقصد و آمالینه دشمن
ظاهرده اگر چه سارالیب سولدی بو گلشن
باطن ده ولی رشک جنان دور آنام اوغدی
.
.
ائتدون منه عاشور گونی هر نه وصیت
من جان و دلیله اولارا ائتدیم اطاعت
سرمت وصالم نه گلایه نه شکایت
عشقون گتیریب بو یره نه قیدِ اسارت
یوخ شرحینه حاجت چوخ عیاندور آنام اوغلی
.
.
گئتدیم هارا برپا ائلدیم شور و قیامت
بیر شور قیامت که قیامت اونا آیت
اؤز سینه مه دوزدوم گلوب هر تیر مصیب
شاد ایله بو غم دیده نی ای کان عطوفت
اندوهی کران تا به کران دور آنام اوغلی
.
.
گه کوفه ده گئتدیم من حسین مجلس عامه
گه شام ده کی بَزمَگَهِ قوم ظُلامه
گلمز بو جفالر نه بیانه نه کلامه
بو جور و جفالر یته جاق هاردا تمامه
بو مطلبی دور زینبه آندور آنام اوغلی
.
.
جانیم له رُقیَّمدن حسین ائتدیم حفاظت
لیکن او گولی دست سمت ایلدی غارت
افسوس نصیب اولموب اونا فیض زیارت
بو باره ده قارداش منی گل ائتمه خجالت
بو نسگله آز زینبی یاندور آنام اوغلی
.
.
ای کشتۀ بیداد و ستم وی شه مظلوم
اوّلده «شهاب» ائتدی بیله نوحه نی مرقوم
تعقیب ایلیوب شعرینی بیر شاعر مهموم
لطف و کرموندن گل اؤزون ایلمه محروم
عاشق دی سنه نوحه یازاندور آنام اوغلی
.
.
#سبک_ای_باد_صبا … بیش از 7 سبک
.
.
.
.
#اربعین
#قبرون_نه_عجب_عطر_فشاندور_آنام_اوغلی
#شهاب_تبریزی
#خوندل_تبریزی
#ترکی
.
✍️ #زبدةالاشعار ✍️
.
🆔: @nohe_torki
نظر دهید