عرض ارادت به حضرت اباعبدالله الحسین علیه السلام
✍️ زبدة الاشعار ✍️
?: @nohe_torki
قاسم ملائی نوشهر (صمیم)
غمونده نی کیمی دیلدن نوالیم آقاجان
مصیبتونده همیشه عزالیم آقاجان
اوشاقلیقمدان ایله نوکرم قاپوندا سنون
ال اوزمرم اتگوندن وفالیم آقاجان
نه کوچه نی، نه ایوی مسکن اتمرم اوزمه
سنون آدون اولا هاردا اورالیم آقاجان
نولار گوزل و مزارون گوروب ئولسم؟
که تیر هجریله دیلدن یارالیم آقاجان
مزارون اوسته اگر جانیمی وئرم الدن
نه غم دیلله که کرب و بلالیم آقاجان
صمیم قلبیله یانام شرار عشقونده
اگرچه چوخدی گناهیم خطالیم آقاجان
#حسینیه_مدح
#غمونده_نی_کیمی_دیلدن_نوالیم_آقاجان
#قاسم_ملائی
#ترکی
✍️ #زبدةالاشعار ✍️
?: @nohe_torki
نظر دهید