غم قطارین ساخلادی قوم ضلالت شامده #ورود_شام #اعظمی_تبریزی

ورود شام
.
زبدة الاشعار
.
?: @nohe_torki
.
مرحوم اعظمی تبریزی
.
غم قطارین ساخلادی قوم ضلالت شامده
آل طاهایه اولوب برپا قیامت شامده
.
.
جمله گلدی اولمیوب سیر تماشادن قالان
اهل بیت مصطفادن طاقت و آرام آلان
طعن ایدن آت چاپدیران مسرور و خندان کف چالان
درد و غمدن نه چکوب آل رسالت شامده
.
.
سسلیوبلر بیر بیره شامه عجب موکب گلور
بیر قطار عشقدور باخساز اَله مطلب گلور
یعنی بو شهره بو گون زهرا قیزی زینب گلور
کربلا ظلمون گلوب ائتسون حکایت شامده
.
.
کینه و بغضون او ‌گون شام اهلی تکمیل ایتدیلر
بیر بیره سبقت ایدوب بازاری تعطیل ایتدیلر
ماه و انجم سیرینه یتماقه تعجیل ایتدیلر
کثرتیندن بیر بیرین یخدی جماعت شامده
.
.
آل طاها سینه سی دولدی غم و آلام دن
جور و ظلم اشقیادن ازدحام شام دن
باشینه بیمار امامون اود توکوبلر بام دن
ابر غمده قالدی تا ماه امامت شامده
.
.
روبروده تا گورور هر باجی قارداش باشینی
حسرتیله عارضه گوزدن توکور گوز یاشینی
ناقه دن سسلور رقیّه سود امر قارداشینی
باجی قارداشا ایدور غمدن شکایت شامده
.
.
ناقه لر اوسته اوشاقلار حسرتیله آغلوری
ایله پوزقوندی رقیّه حالی سینه داغلوری
کیم باخوب اول حالینه اشکین عذاره باغلوری
سلب اولور تا قلبلردن صبر و طاقت شامده
.
.
یاسلیدور زینب قوروبدور ناقه اوسته بزم یاس
لیک شام اهلی گیوبدور اگنینه قرمز لباس
باملرده دف چالولّار قوم دون و رذل ناس
زینبه گور نه ویرولّر سر سلامت شامده
.
.
عیددور گویا او ‌گون چوخلار ئوزون دلشاد ائدور
بیر بیره هر کیم یتوبدور تا مبارک باد ائدور
جشن ائدور شام اهلی آل الله فغان و داد ائدور
عیددور بو یا اولوب برپا قیامت شامده
.
.
خلق ایلوردی نظر اول دمده نیزه باشینه
تا حسین باشی هدف اولدی عجوزه داشینه
باخدی زینب نیزیه رخصت ویروب گوز یاشینه
قارداشین باشینده گوردی بیر علامت شامده
.
.
#اعظمی دولدورما گوز یاشیله دیده ابرینی
صبر ایله غمده قسم ویر حقه زینب صبرینی
تا نصیب ائتسون سنه الله رقیّه قبرینی
اول گوزل قبرین گیدوب ایله زیارت شامده
.
.
.
#سبک_زینبم_جان_اوستیم … 4سبک
.
.
#ورود_شام
#غم_قطارین_ساخلادی_قوم_ضلالت_شامده
#اعظمی_تبریزی
#ترکی
.
#زبدةالاشعار
.
?: @nohe_torki