فاطمه آللها مظهریارانیب #فاطمیه_واصف_مرندی

مدح و میلادیه حضرت زهرا (س)
.
#زبدةالاشعار
.
: @nohe_torki
.
واصف مرندی
.
فاطمه آللها مظهریارانیب
شاهکار حق داور یارانیب
.
افتخار بشریت بویوموش
دین ودنیای پیمبر یارانیب
.
کوثر اوچ آیه دی بومعنایه
اطهر و برتر و کوثر یارنیب
.
یرده جن و بشر رسم ورسل
گویده امواج ملکلر یارانیب
.
مقدم اقدسینین نوریندن
کعبه و زم زم و مشعر یارانیب
.
بنده لیق سجده محرابیندن
حرم و مسجدو منبر یارانیب
.
بس کی صدیقه دی گفتارینده
آستانینده ابوذر یارانیب
.
روز مادر یازیلیب میلادی
چونکی بیر مادر برتر یارانیب
.
نجه من ساده یازیم شعریمده
جلوه دن ماه منور یارانیب
.
بوخانم فاطمه دی فرق ایلر
ریشه دن پاک ومطهر یارانیب
.
نه پیمبر نه علی ما و ملک
آدینین عشقینه یکسر یارانیب
.
جنتی کی اوقدر زیبادی
افتخاراتینه زیور یارانیب
.
مکتبیندن آنالیق دامنی تک
راد مردان هنرور یارانیب
.
ئوینین ائیلکیسی بخشنده حسن
سبط اکبردی موقر یارانیب
.
شیره ی شیرین حسین میل ائلیب
شهدا جمعینه سرور یارانیب
.
زینبی زینت اولوب عصمتینه
قاطع و پاک و سخنور یارانیب
.
بیر گوزلیک گورونوب نسلیندن
جلوه سیندن علی اکبر یارانیب
.
محسنین حسن تجلاسیندن
خانه زادی علی اصغر یارانیب
.
حسنین صلح وصفا یاسیندن
قاسم و پاک و حسن فر یارانیب
.
آستانیندن ئوپوب ام بنین
عون یا فضلیله جعفر یارانیب
.
اولاریین تک به تکی بیر طرفه
بیر گون عباس دلاور یارانیب
.
نجه عباس نجه ام بنین
اهل دنیایه برابر یارانیب
.
کربلاده بولاری جمع ایلیب
بیر گونی واقع محشر یارانیب
.
نجه محشردی نجه کرببلا
مثلی نه اول و آخر یارانیب
.
دایانیب زینبی تا تل اوسته
عالمین قلبینه باور یارانیب
.
.
#فاطمیه_واصف_مرندی
#فاطمیه_میلادیه #فاطمیه_مدح
#فاطمه_آللها_مظهر_یارانیب
#ترکی
.
#زبدةالاشعار
.
: @nohe_torki