فخریم بودور که آل عبا آشناسیم #حسینیه_فیضی_اردبیلی

#تقدیم_اولسون_حسینچیلره
.
✍️ #زبدةالاشعار ✍️
.
🆔: @nohe_torki
.
کربلایی رحیم فیضی اردبیلی
.
فخریم بودور که آل عبا آشناسیم
شکر آللها که حُبّ ولا آشناسیم
.
بیر مجلسیله هر بشرین واردی اُلفتی
من دلخوشام که بزم وفا آشناسیم
.
بازار عشقیدور آقامین بزم ماتمی
بازار عشق ایچینده صفا آشناسیم
.
خوشدور اشاره‌م اولسا تباکی حدیثینه
بیر عمریدور که اشک و بکا آشناسیم
.
ایوای حسین دینده آخور گوزیاشیم یوزه
نِی تک سیزیلدارام که نوا آشناسیم
.
مظلوم حسینه آغلاماسا نیلورم گوزی؟
اگنیمده قــاره، بزم عزا آشناسیم
.
عیب ایلمه دئسم هوسیم یوخدی جنّته
عالَمده چونکه کرب و بلا آشناسیم
.
قطعا حسین مسیری سعادت مسیریدور
شکر ایلورم که شمس هدا آشناسیم
.
(فیضی) تَخَلّصومدی، آدیم نوکرِ حسین
نه شهرت آختاروب نه طلا آشناسیم
.
ساتماز حسینچی عشقینی دینار و دِرهمه
فخریم بودور که آل عبا آشناسیم

.
#حسینیه_فیضی_اردبیلی
#حسینیه_مدح
#فخریم_بودور_که_آل_عبا_آشناسیم
#ترکی
.
✍️ #زبدةالاشعار ✍️
.
🆔: @nohe_torki