فخر ایلمه کعبه دارای مناسن

مفاخره کربلا با کعبه
.
✍️زبدةالاشعار✍️

?: @nohe_torki
.
مرحوم یحیوی اردبیلی
.
.
فخر ایلمه کعبه دارای مناسن
من کرب و بلایم سن بیت خداسن
منده توکولن قان سنده اثر ائتمیش
قاره گینوبسن مشغول عزاسن

.
بیر دفعه کسیلمیش یتمیش ایکی قربان
حشره کیمی مندن انوار اولی تابان
سنده آخور هر ایل یتمیش ایکی مین قان
ایل باشه یتنده محتاج فداسن

.
وار وصل نگاره سنده نچه پایه
مشکل تاپا بیر کس ال قرب خدایه
دروازۀ وصلم عشاق بلایه
من اُمّ بلایم سن اُمّ قُراسن

.
عمریمده آسلموب منده بت و اصنام
وار منده او ارزش ای قبلۀ اسلام
زهرا قزی زینب منده دوتوب احرام
من قبلۀ عشقم سن قبله نماسن

.
ایلر زرهه صیقل قوملاروی زرگر
بوندان سوای اوندا یوخ خصلت دیگر
اکسبردن آرتوق خاکیمدو مطهر
سن هاردا منیم تک بیماره شفاسن

.
سن اوج ایده جک سن محشرده سمایه
دنیاده من چون بستر شهدایه
پرواز ائدرم من فردوس صفایه
من زینت جنت سن زیب سماسن

.
آیریلدی حصارون یوخ بو سوزه انکار
سینونده دوغولدی تا حیدر کرار
من سینمی آچدیم یاتدی شه ابرار
من آیری بنایم سن آیری بناسن

.
سقفونده سنون بیر ناودان طلا وار
صحنیمده منیم بیر ایوان طلا وار
قانلو حرمیمده میدان طلا وار
من کوه طلایم سن مشت طلاسن

.
زنده گوروب ئولدی اسماعیلی هاجر
هئچ ئولمدی لیلا گوردی ئولوب اکبر
قربانِ حسینه احسن دیدی داور
من مقتل اعظم سن فدیه سراسن

.
ششماهه دن اسکوک اولماز قوزی قربان
منده کسیلوبدور بیر سود امر عطشان
آغوش حسینده راحت یاتوب الان
شایسته منم گور بو فدیه ده یا سن

.
سن اهل دعایه محراب عبادت
بو شرطیله منده قویسا سنه تربت
وار قبه مون آلتدا تاثیر اجابت
من شرط دعایم سن کوی دعاسن

.
من مدفن پاک شاه شهدایم
من مرکز شوط هر شاه و گدایم
مسکین و فقیره حج فقرایم
سن طالب حج ارباب غناسن

.
#کربلا_کعبه #آرزوی_کربلا
#مفاخره_کعبه_کربلا
#فخر_ایلمه_کعبه_دارای_مناسن
#یحیوی_اردبیلی
#پرچم_عزا_یحیوی #ترکی
.
✍️ #زبدةالاشعار ✍️

?: @nohe_torki