در شهادت حضرت صادق (ع)
.
✍️ زبدة الاشعار ✍️
🆔: @nohe_torki
.
.
مرحوم حاج صادق تائب تبریزی
.
.
ای اولان قتیل اعدا سینه ده یاراسی ایوای
جعفری لرین رئیسی شیعه لر آقاسی ایوای
دللرین صفاسی گئتدی
شیعه لر آقاسی گئتدی
.
.
.
عمریجه دؤزن فشاره حقّیله حقیقت اوسته
توش رنج و انزجاره دینیله دیانت اوسته
قلب داغداری یاره صدقیله صداقت اوسته
فعل و انفعالی صادق باشدا چوخ بلاسی ایوای
.
.
بار مرگیله خمیده تا او سرور قامت اولدی
جعفری لره بو محنت بیر بیوک مصیبت اولدی
شیعه عالمینده برپا برملا قیامت اولدی
شیعه ذکری آه و وادی جعفری نواسی ایوای
.
.
نعشینی گوتوردی یردن شیعه جمع کثرتیله
مردم مدینه تشییع ائتدی چوخلی عزّتیله
نعشینین دالینجا دوشدی اهل بیتی حسرتیله
شور و شینیله دیردی خویش و اقرباسی ایوای
.
.
سربسر مدینه شهرین دوتدی بانگ وا اماما
دلده ذکر وا اماما گلدی داده پیر و برنا
بیر یانا تمام مردم بیر یانا امام موسی
حسرتی یاراتدی حسرت ناله و بکاسی ایوای
.
.
اوغلی تک آتا غمینده سینه داغلیان تاپیلماز
عارضه دولی گوزیله اشگی باغلیان تاپیلماز
چوخلار آغلاشار اوغول تک لیک آغلیان تاپیلماز
خلقی آغلادار دینده شوریله بالاسی ایوای
.
.
تاپشوروب امام هفتم قبره مهربان آتاسین
هم جوار ائدوب امام باقره گوزل بالاسین
توپراقا قویان زماندا گل جمال حق نماسین
سویلدی سولان جمال پاک و حق نماسی ایوای
.
.
عارضه امام موسی شور گوز یاشین الردی
شیعه لر جماعتیله گوگلون آلماقا گلردی
دست رأفتیله گوزدن گوز یاشین اونون سیلردی
آغلاشاردیلار دینده شیعه مقتداسی ایوای
.
.
کربلایه شیعه لردن کاش بیر گلن اولیدی
حضرت امام ساجد حالینی بیلن اولیدی
دردینی ندور بولیدی گوز یاشین سیلن اولیدی
سس ویریدیلر دشنده شیعه مهتداسی ایوای
.
.
رحم ائدلَّه رسمدور بو هر مریض و ناتوانه
سهلدور که ائتمیوبلر رحم او زار باغریقانه
ائتدی طعن سعدین اوغلی شمر ووردی تازیانه
غیظین آرتیروب دینده رنج مبتلاسی ایوای
.
.
داغلی قلبینی گه اودلار آه سرد غم فزاسی
خاطرین ائدر پریشان گه اوشاقلارین نواسی
گه وورار آجی دیلیله اهل کوفه دیل یاراسی
عمّه سی دیر بلالی قارداشیم بالاسی ایوای
.
.
تائبم گدای مسکین هاردا من کیمی گدا وار
هرادا بیله باب حاجت هاردا سیز کیمی آقا وار
بیر ائلیم اؤزوم مریضم سیزده نسخۀ شفا وار
گر یازیلماسا الوزله نسخۀ شفاسی ایوای
.
.
.
.
.
#صادقیه_شهادت
#ای_اولان_قتیل_اعدا_سینه_ده_یاراسی_ایوای
#تائب_تبریزی
#ترکی
.
✍️ #زبدةالاشعار ✍️
🆔: @nohe_torki
نظر دهید