فرخنده میلاد سرور دوران اولدی #مهدیه_شاجری_زنجانی

میلادیه حضرت امام زمان عَجّلََ اللهُ تعالی فَرَجَهُ الشَّریف
..
..
..
..
حاج رحمان شاجری
..
..
..
..
#سبک_ناصرا_ینصرنی
#سبک_کربلا_کربلا_ای_تربت_شهیدان
پخش‌کننده صوت

..
..
..
..
فرخنده میلاد سرور دوران اولدی
نیمهٔ شعباندا عالم چراغان اولدی
مهدی گلدی دنیایه
تبریک اولسون طاهایه
..
..
..
..
گورجگین محو اولدی ظلمت نور یزدانی
همان نور احاطه ائتدی یکسر دنیانی
آلدی آغوشه نرجس مولود زیبانی
ئوپدی گل یوزوندن شاد وخرامان اولدی
..
..
..
..
گلزار عسکری چوخ باصفا گللندی
اورداکی گللردن بیر گل چوخ جلوه لندی
اللهین امریلن او تازه گل دیللندی
ئوز شهادتینین عرض ائتدی خندان اولدی
..
..
..
..
صود وئردی نازیله نرجس او مه سیمایه
بوکدی صورا گوزل جسم پاکین دیبایه
سالدی گهواریه لایلای دئدی بالایه
یوخلاتدی بالاسین وِردی مهدی جان اولدی
..
..
..
..
نقل ائدوب اکثر روایتده بو خبر
چوخ زمان گچمدی مأمور حیّ داور
نازل اولدی گوگدن یره اول نیکو سیَر
مولودی گوتدی فوراً عرشه روان اولدی
..
..
..
..
باخدی نرجس خاتون گوردی بوشدی گهواره
یوز دوتدی امامه توکدی اشکین رخساره
سؤال ائتدی هانی بس طفل شیرخواره
عسکری بویوردی که عرش آشیان اولدی
..
..
..
..
آغلاما غم ائتمه ایندی گلر دردانه
صبر ایله توکمه قطرهٔ شبنم دامانه
قویمازلار ملائک اینجیسون اول فرزانه
یاخشی حرمت ائدللر گویده مهمان اولدی
..
..
..
..
بس نجه او ساعت دؤزدی اصغر آناسی
گوردی قانلی قونداق ایچره گلور بالاسی
قان وئروردی گل تک بوغازینون یاراسی
باخدوقجا ربابین اورگی القان اولدی
..
..
..
..
ای قلم یازما چوخ بایرام گونی مصیبت
ال ساخلا شاجری قلبی یانوقدی امت
گلدی اصغر قانین آلان دنیایه حجت
قویماز قالسون یرده قانلاری هرآن اولدی
.
.
.
.
#مهدیه_میلادیه
#فرخنده_میلاد_سرور_دوران_اولدی
#ترکی
#زبدةالاشعار