وداع حضرت رقیه (س) با حضرت علی اکبر(ع)
.
✍️ #زبدةالاشعار✍️
.
🆔: @nohe_torki
.
مرحوم نادری میانجی
.
صبر ایله دایان گیتمه خرامان علی قارداش
بیر ساخلا ایاق جان سنه قربان علی قارداش
.
.
گویا سفرون واردی خداحافظ ایدیرسن
عزمون هارادور هانسی ولایاته گیدیرسن
گرجنگه گیدیرسن شه بی یاری نئدیرسن ؟
گل گیمه کفن قامت رعنایه برادر
لطفون منه یوخ رحم ایله لیلایه برادر
.
.
آرزوم واریدی طویدا آلارسان منه خلعت
صغرا باجیمی اوندا ایدرسن طویا دعوت
گویا بو کفن قویمیاجاق طوى اولا قسمت
شهزادۀ بطحایه بو صحرا وطن اولدی
طوی خلعتون آخر علی قارداش کفن اولدی
.
.
گل گیمه کفن قدّیوه ای یوسف دوران
شهلا گوزیوه تشنه رقیّه اولان قربان
اوچ گوندی سن عطشان باجی عطشان بابا عطشان
گل بیرجه گیدک خیمه گهه ایله نظاره
اصغر دیلی یوخ لبلرینه ایلر اشاره
.
.
منظورون اگر وارمنه تحصیل ایده سن آب
من ایستمرم سو منی چوخ ایلمه بی تاب
گوز یاشملن من ایدرم اصغری سیراب
گر چه بو سوسوز قیزلارین احوالی یاماندور
گل سن بئله میدانه علی گئتمه اماندور
.
.
دونسون قانا دنیاده فراتین سویی ایکاش
من سو آدینی بیرده گتورمم دیله قارداش
ئولسمده سوسوزدان داخی توکمم یوزه قان یاش
گل کس دیلیمی بیرده دیسم سو من مضطر
دل سهلدی باشیمده فدادور سنه اکبر
.
.
رحم ایت بابامی سالماگلان درد ملاله
گیتسون دوشه جک لیلی بیچاره نه حاله
وئر اذن گیدرم جانب میدان قتاله
تا شمره دیوم آز گل گلزاریمی سولدور
اکبر یرینه رحم ایله ظالم منی ئولدور
.
.
هر نحویدى الدن سنی وئرسم قالا بیلمم
من حشره کیمی سندن على آیریلا بیلمم
قارداش قاراسین باشیمه اکبر سالا بیلمم
ئولسه باجنین قارداشی گر حرمتی اولماز
بو عمرین علی بیرده منه لذتی اولماز
.
.
نیسگیللریوی بیر بیر اوتور سای منه قارداش
رعنا قدیوه اوخ دگه ایوای منه قارداش
شهلا گوزیوه تان دولا گر وای منه قارداش
صغرا گوزی یوللاردا همیشه قالان اولدی
شهزاده آدیم عزتیم الله یالان اولدی
.
.
گل سن بو رقیه باجوی سالما نظردن
قلبیم سخیلور ترک نظر ایله سفردن
آغوشیوه آل سن منی قورتار بو خطردن
چارم کسیلوب عرضیم او مطلبده دی قارداش
صبر ایله دیوللر قمر عقربده دی قارداش
.
.
سسلندی علی ای بابا فریادیمه سن گل
مانع دی رقیه منیم امدادیمه سن گل
قویمور منی میدانه گیدم دادیمه سن گل
میداندا یولوم گوزلیوری قوم امیه
دوتمش اتگیمدن منه مانعدی رقیه
.
.
شاه شهدا گلدی قزین آلدى قوجاقه
امرایتدی بالاصبر ایله سن هجر و فراقه
مهماندى على خنجر اشرار عراقه
بلبل گله جک نالیه گللر سارالاندا
آغلارسان او گون دشت مغیلاندا قالاندا
.
.
آخرده حسین خیردا قزین باخبر ایتدی
اکبر تک اوغولدان نجه صرف نظر ایتدی
بی طاقت ئوزی لیلینی خونین جگر ایتدی
یاز نادری رخساره گوزوم یاشی آخاردی
یالقوز بالا گیتدی آتا حسرتله باخاردی
.
.
#اکبریه_نادری
#اکبریه_شهادت
#صبر_ایله_دایان_گیتمه_خرامان_علی_قارداش
#ترکی
.
✍️ #زبدةالاشعار✍️
.
🆔: @nohe_torki
نظر دهید