علیسیز عالمینی غم دوتوبدی #حیدریه_واصف_مرندی

شهادت حضرت علی علیه السلام
.
✍️ #زبدةالاشعار ✍️
.
🆔: @nohe_torki
.
واصف مرندی
.
علیسیز عالمینی غم دوتوبدی
نه ساده غم غم اعظم دوتوبدی
ملکلر عرشیده حوران جناندا
ائوینده زینبی ماتم دوتوبدی
.
.
علیسیز عرض ائدیم آیا نه لردن
چیخیب شمعین الی پروانه لردن
نچه گوندی علی دوشموش ایاقدان
گلور آه و نوا ویرانه لردن
.
.
علی سیز یاندی عالم درد الیندن
چیخیب اللر شه شب گرد الیندن
یازیبلار کوفه ده دیوار دربه
امان آلله آمان نامرد الیندن
.
.
نچه گونلوقدا اولسا کیم معزز
نقدری زندگی اولسا مجهز
قسم اولسون نه یه وار اعتقادین
علیسز هیچ مقامین درده دگمز
.
.
علیسیز کوفه ده وار آیری حالت
یتمیلر آغلاشیر زار و خجالت
بویوک بیر دردیدی درمان تاپیلماز
علیسیز سیندی ارکان عدالت
.
.
منیم حرف و توانیم بو قدردی
علیسیز عمرلر گونلر هدردی
مقدّس دامنی حبل المتیندی
علیسیز اهل عالم دربدردی
.
.
علیسیز اولدی عالم غملی غربت
ویریلدی قلبلردن قانلی ضربت
اولان اولدی صولان صولدی پوزولدی
حسینه کربلاده چاتدی نوبت
.
.
#حیدریه_واصف_مرندی
#حیدریه_شهادت
#علیسیز_عالمینی_غم_دوتوبدی
#ترکی
.
✍️ #زبدةالاشعار ✍️
.
🆔: @nohe_torki