زبدةالاشعار

قارداش بو او قانیله دولان دشت بلادی #اربعین_صحاف_تبریزی

اربعین (شور)
زبانحال حضرت زینب کبری سلام الله علیها

.
✍️ #زبدةالاشعار ✍️
.
🆔: @nohe_torki
.
مرحوم صحاف تبریزی
.
قارداش بو او قانیله دولان دشت بلادی
یا طور وفا جلوه گو نور خدادی
یا کوی وفادی یا کوه منادی
.
.
قارداش بو او توپراقدی گوزل قانوه باتدی
درد اهلنه تا روز جزا خاک شفادی
باش عرشه اوجاتدی هر درده دوادی
.
.
قارداش بو همان پردی که بیر عده مجاهد
دین اوسته باتوب قانه مزار شهدادی
عشق اهلینه شاهد یا عرش خدادی
.
.
بیر گون اوجالار طارُم افلاکه بو یردن
بیر قُبّه که فخر و شرف ارض و سمادی
بیر کوری دشمن ایوان طلادی
.
.
گون کسب ایده جاق نورینی شمس و قمروندن
دشمن گوزینه هر بیری بیر تیر بلادی
گل دسته لروندن آثار بقادی
.
.
نابود اولاجاق سلطنت آل أمیّه
بیر سلسله که مبداء عصیان و خطادی
واضحدى قضیه محکوم فنادی
.
.
آیریلمازیدی سندن اباالفضل علمدار
یالقوز سو کنارینده یاتوب قبری جُدادی
سردار وفادار تسلیم قضادی
.
.
گلدی آناسی اصغرینه سود ویره قارداش
باخ بیر بالا وای ناله سینه گور نه صدادی
قویما توکه قانیاش افغان و نوادی
.
.
درباندی بو درباره حبیب بن مظاهر
پابوسینه حسرتده قالان شاه و گدادی
بو طیّب و طاهر قربان وفادی
.
.
ششگوشه ایدن قبریوی شهزادۀ اکبر
لیلانی سالان چوللره بو ماه لقادی
پیغمبره مظهر اسلامه فدادی
.
.
داماد مزارین چکوب آغوشه عروسی
قبر اوستونه گویا دوشه نن شال عزادی
وار حسرت بوسی بیر بخت قرادی
.
.
سینونده ربابون گوزی اصغرده دی قارداش
قویما نگران اوغلى ئولن بیکس آنادی
ئولسون باجون ایکاش مشغول عزادی
.
.
بیر نازلی قیزون شامده ویرانه ده قالدى
گوردوم گله بُلمز یول اوزاق آبله پادی
اود دللره سالدی مقتول جفادی
.
.
.
#اربعین_صحاف_تبریزی
#قارداش_بو_او_قانیله_دولان_دشت_بلادی
#ترکی
.
✍️ #زبدةالاشعار ✍️
.
🆔: @nohe_torki

نظر دهید

جستجو در نام شاعر یا مناسبت

Search

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search

دسته بندی درختی

دسته بندی درختی

Generic filters
Exact matches only
Filter by Custom Post Type

More results...

Generic filters

Filter by Custom Post Type

نتایج بیشتر ...