قارداش علمین دوشدی علمدارین الیندن #عباسیه_دلپاک

استمداد حضرت ابوالفضل (ع)
..
..
..
..
..
رضا غلامپور (دلپاک)
..
..
..
..
..
قارداش علمین دوشدی علمدارین الیندن
گل آل علمی فرقهٔ اشرارین الیندن
..
..
..
..
..
ای دیدهٔ دل عارضینه محو تماشا
گل بو یئره کی خواهش جاندور بو تمنا
من شوقیله یئرده سورونوب بیرده ئوپوم تا
سن تک ائله بیر سیّد و سالارین الیندن
..
..
..
..
..
سن صاحب اورنگ کرم عالمه سرور
منده درِدربارِ همایونیوه نوکر
بیر ذرجه عفو ایله اگر اولسا مکدر
غملی اورکین نوکر دربارین الیندن
..
..
..
..
..
گل گلماقون ائتسین منی مشمول محبت
عفو ائت سنی بو گلماق اگر ائتسه اذیت
بیرده سن ایا شیوهٔ دین رسم شریعت
گل آل بو مسلمانی بو کفارین الیندن
..
..
..
..
..
ای واقف اسرار دل آگهسن اوزون ، من
چوخ چوخ خجلم سندن امان نامه گلندن
بیر نوعیله رفتار ائله دیم تا بوله دشمن
یارین سوون آلماز صله اغیارین الیندن
..
..
..
..
..
درمانی تاپیب درد آرا باخدیم گوزی گریان
آلدیم اله دوشدوم یولا بی وقفه شتابان
بیر درد گران اولدی سبب نسخه درمان
دوشدی یئره بو یاره لی بیمارین الیندن
..
..
..
..
..
گوردوم ائله کی گرمیدی سودای بو بازار
جان قیمتی اولدوم سولی بیر مشکه خریدار
آلدیم یولا دوشدوم ولی بیر رهزن غدار
آلدی اونی یولدا بو خریدارین الیندن
..
..
..
..
..
جان کی بئله موقوفه دی آیین جلیله
دل شکویه آچسین محن اوسته نه دلیله
ظلمیله اسیر اولسادا اشرار ذلیله
حاشا وئره حرّیتِ کردارین ، الیندن
..
..
..
..
..
من نوکرم ائتدون منی سن لشکره سردار
سرداری گورن لحظه قاچیب فرقهٔ اشرار
اما قییدیب گلدیله میدانه قاچانلار
تا تیغ دوشوب گوردوله سردارین الیندن
..
..
..
..
..
سن حجت برحق خداوند مطهر
ناحق بولور اما سنی بو قوم ستمگر
دل، قانه باتان پیکره خاطر نه مکدر
اولموش اورکیم قان بئله افکارین الیندن
..
..
..
..
..
فیض نفسونله گل آچیب باغ حقایق
هر بیر گولوین عطرینه وابسته حدائق
ایمدی ولی شاهدی گلستاندا شقایق
یوخدور گُله بیر لحظه امان خارین الیندن
..
..
..
..
..
نه گوزده توان گورماقا نه جسمیده بیر ال
آخر نه ائدیبدیر نه دئیوم ضربهٔ نوفل
بس شرح بو آثارینه بو جمله مجمل
قان آغلیری باشیم او ستمکارین الیندن
..
..
..
..
..
قول یوخ آچیلیب گرز جفائیله آچیخ باش
لنگرلدیم آت اوسته ایکی دیده ده قانیاش
آخر نجه دوشمز یوزی اوسته یئره قارداش
راکب وئره گر مرکبین افسارین ، الیندن
..
..
..
..
..
گرچه منه هر کیمسه یئتیب ووردی جراحت
اما منی غرق غم ائدیب آیری ملالت
هر یاره بولوندوردی فرومایه جماعت
چوخ کینه لیدور حیدر کرارین الیندن
..
..
..
..
..
نه غم کی منی چولقالین سربه سر اوخدی
سن گلمه سنون درد و غمون قلبیده چوخدی
نه غم کی من غمکشی بو عرصه ده یوخدی
بیر کیمسه آلان دشمن غدارین الیندن
..
..
..
..
..
منشور عزا نشر اولاجاق چشم تروندن
تکمیل اولاجاقدور نظر مختصروندن
«دلپاکِ» معزّانیده سالما نظروندن
محشرده دوتان لحظه عزادارین الیندن
..
..
..
..
..