زبانحال امام در بالین برادر
..
..
#سبک_آچیلدی_پرچم …10 سبک
مشابه
..
..
مرحوم ذاکر اردبیلی
..
..
بو قدری یاتما، یارالی قارداش
پناهیم آرخام، ائلیم ابوالفضل
گوز آچ آماندور، قدیم کماندور
سینوب غمونده، بئلیم ابوالفضل
..
..
ائویمی یخدی امیدیم اوزدی
سنه او ظالم جفا ائدنده
چیخوب کسندن قلج الینده
قولون بدندن جدا ائدنده
سسون یتیشدی خیامه قارداش
من غریبی صدا ائدنده
گوز آچ آماندور، قدیم کماندور
سینوب غمونده، بئلیم ابوالفضل
..
..
نه سخت دلدور نه رحم سیزدور
سنی بو حاله سالان جماعت
هجوم ائدوبلر آلوبلا دورون
نه شرم ائدوبلر نه بیر مروت
بئلی سینانون برادر اولماز
قولوندا قوّت دیزینده طاقت
گوز آچ آماندور، قدیم کماندور
سینوب غمونده، بئلیم ابوالفضل
..
..
گئدوب جوانلار بویاندى قانه
اوغولسوز اولدوم بو چولده من زار
اؤزوم اؤزومه تسلی وئردوم
دئدیم ابوالفضل اولار هوادار
سنیده آخر الیمدن آلدى
یامان گونومده بو قوم کفار
گوز آچ آماندور، قدیم کماندور
سینوب غمونده، بئلیم ابوالفضل
..
..
امید اوزولدی آزالدی چارم
بو سرو قدّون قانا باتاندا
یارالاروندان آخاندا قانون
قولون گئدنده علم یاتاندا
نشان ائدنده سو مشگون عدوان
او سیل قانون سووا قاتاندا
گوز آچ آماندور، قدیم کماندور
سینوب غمونده، بئلیم ابوالفضل
..
..
گتور گوزوندن سیلوم بو قانی
من غریبه ائله نظاره
مصیبتیم چوخ کمک لریم یوخ
میان دشمن ائدوم نه چاره
سنون قولون یوخ اؤزون بو حالدا
یارانون اوستن ویروبلا یاره
گوز آچ آماندور، قدیم کماندور
سینوب غمونده، بئلیم ابوالفضل
..
..
غریب آدامون علاجی اولماز
دوشنده قارداش کناره ائلدن
تاپارلا فرصت چکرله شمشیر
آلوب آرایه سالارلا دیلدن
بو قدر دشمن اؤزوم کومک سیز
چتیندی گلمز صدا تک الدن
گوز آچ آماندور، قدیم کماندور
سینوب غمونده، بئلیم ابوالفضل
..
..
کومک لریمی آلوب الیمدن
بو قوم کافر گئدوب سپاهیم
نه سس وئرن وار نه رحم ائدن وار
نه بیر معینیم نه بیر پناهیم
سسیمه سس وئر یارالی قارداش
چیخوب سمایه شرار آهیم
گوز آچ آماندور، قدیم کماندور
سینوب غمونده، بئلیم ابوالفضل
..
..
گلنده قارداش سکینه گلدی
دئدی عمومه یتور سلامیم
منیم دیلیمجه سؤله عموجان
گوزتلرم یول الیمده جامیم
ائشیدسه مشگون باتوبدی قانه
گلور فغانه او تشنه کامیم
گوز آچ آماندور، قدیم کماندور
سینوب غمونده، بئلیم ابوالفضل
..
..
سنون او قولسوز زمانووی یاد
ائدنده «ذاکر» گلور فغانه
دییر همیشه دری کرمدور
دری سخادور بو آستانه
یانار غموزده بو غملی سوزدن
سرشگ گوزدن ائدر روانه
گوز آچ آماندور، قدیم کماندور
سینوب غمونده، بئلیم ابوالفضل
..
..
#عباسیه #ذاکر_اردبیلی #عباسیه_شهادت #ترکی #زبدةالاشعار
نظر دهید