زبدةالاشعار

قارداش علی بیر آز دایان گیتمه بیله شتابیله #اکبریه_شانی_تبریزی

وداع حضرت علی اکبر (ع)
زبانحال حضرت سکینه (س)
.
✍️ #زبدةالاشعار ✍️
.
🆔: @nohe_torki
.
#سبک_ای_حرمینه_ناز_ایدن … 3 سبک … عطری گلور محرمین …
.
مرحوم شانی تبریزی
.
قارداش علی بیر آز دایان گیتمه بیله شتابیله
باخ بو غریب آناما یان سنده او التهابیله
.
.
گر چه اؤزی سالوب سنون بوینوا ذوقیله کفن
لیک گنه دوزنموری تیتروری دیز اسور بدن
عمّه لریم باخور یانور حالینه بالخصوص من
لرزه یه دوشموشم بیله اوندا کی اضطرابیله
.
.
بیله آلوبلا دوره وی باجیلار عمّه لر سنون
بعضی دوشر ایاقیوه بعضی الون اؤپر سنون
بعضی دوتار قباقوی بعضی یولون کَسَر سنون
یوخدی مگر قایتماقون واضح ایله جوابیله
.
.
سسلر آنام کناردن بیرجه بو ناله دن دویون
سیز چکلون کناره بیر اکبریله منی قویون
تا بیر اولاخ بو آخرین ساعت وصل قول بویون
وصلده کامیاب اولوم منده او کامیابیله
.
.
شوقدن آغلوسان بیله عارضه گوز یاشون آخور
یا آنامون بو غربتی قلبوی یاندیر یاخور
گل گوزیوین یاشین سیلوم غصّه لنور آنام باخور
بیله دولوبدی گورمسون گوزلرون اشک نابیله
.
.
سن ره حق فداسی سن واردی غریبه زینتون
خوش بزیوب بو آغ کفن سرو مثال قامتون
توک یوزه ابر زلفوی حفظ ایله ماه صورتون
ردّ اولا شرّ نظر بلکه همان حجابیله
.
.
وار علی برگ گل کیمی صورتوین لطافتی
حیف طراوتین آلوب سوز عطش حرارتی
بسدی سنه بو شدّت تشنه لقین اذیّتی
یانماسون عارضون داخی تابش آفتابیله
.
.
ایمدیکه چرخ دون منی توش ایلدی فراقیوه
یوخدی لیاقتیم قویام بیرجه دوداق دوداقیوه
باری اجازه ویر گلوم بیر دوشنوم ایاقیوه
فخر ایلیوم تراب تک شبل ابوترابیله
.
.
هرباجی نون بو رسم دور قارداشی ایلیه سفر
آئینه و کلام حق حاضر ایدوب روان ایدر
بلکه خصوصیّاتی وار بیرده دالنجا سو سپر
یوخدی یولوم او امره بو شدّت قحط آبیله
.
.
گرچه دالونجا سپماقا سو باجون اعتذاری وار
علّت او اعتذاریدور بیر بیله آه و زاری وار
لیک یوزومده اشکمون چشمه کیمی گذاری وار
سو سپرم دالونجا بو گوزدن آخان گلابیله
.
.
جدّیمیزه دیلله چون آئینۀ تمام حق
سنده اونون شبیهی سن سنده ده وار بو نام حق
جمع اولوب وجودیوه جمله جهت کلام حق
نچّه دلیل خاصّیله نچّه گوزل خطابیله
.
.
یاده دوشور او کوچ ایدن ساعتیمیز مدینه دن
شعلۀ آهیم اوج ایدیر سوز درون سینه دن
نولدی سبب بو نوعی تئز دویدون علی سکینه دن
قطع ایلدون علاقه وی ایمدی بو دلکبابیله
.
.
گوگلوم علاقه باغلیوب غالیه تار زلفوه
رشتۀ جان و دل اودور باغلیدی تار زلفوه
نیلر آنام گوره قونوب گرد و غبار زلفوه
شانه ایدوبدی تل به تل عنبر و مشک نابیله
.
.
ایمدی تدارک ایلیوب فاطمه عیش اساسوی
حاضر ایدوبدی ساخلیوب بوخجادا طوی لباسوی
یثربه یتسه بو خبر دوتسالا خلق یاسوی
نیلر او وقتده باجون بو غم بی حسابیله
.
.
واردی یادیمدا یولدا کی ایلدیقون مراقبت
حرّ کسنده یول بیزه ایتدون اوزون مواظبت
وحشته قویمادون دوشه نازلی سکینه عاقبت
منقلب اولمادوخ او گون ایله بیر انقلابیله
.
.
اولسا نگاهبان منه زجریله شمر بدشیم
گاه بو دشمن نبی گاه او خصم ذوالکرم
گاه بو قمچیِ جفا گاه او سیلیِ ستم
زجر وورار جفائیله شمر دوگرعتابیله
.
.
شأنی توجه ایتمسه شاعره نوحه صاحبی
نوحه ده درج ایدر نجه بیله گوزل مطالبی
وار نفسینده بیر اثر ایله دعا او کاتبی
ایستدی هانسی نوحه نی نظم ایلدون شتابیله
.
.

متن پیشنهادی:  شاه عطشان اصغرین تپراقیده پنهان ایدوب #اصغریه_معزی_اردبیلی

.
.
#اکبریه_شانی_تبریزی
#اکبریه_شهادت
#قارداش_علی_بیر_آز_دایان_گیتمه_بیله_شتابیله
#ترکی

.
✍️ #زبدةالاشعار ✍️
.
🆔: @nohe_torki

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی