قارداش علی سنسیز قالوب آواره سکینه #راه_شام_غمناک_تبریزی

راه شام
زبانحال حضرت سکینه علیهاسلام
.
#زبدةالاشعار
.
: @nohe_torki
.
مرحوم غمناک تبریزی
.
قارداش علی سنسیز قالوب آواره سکینه
هجرونده دوشوب چوللره بیچاره سکینه
.
گوگلوم بولوسن باغلیدی اول زلف سیاهه
گلّم چکه هر یانه سالا ناله و آهه
مین آه چکم وار یری بیر طرز نگاهه
مشتاقیدور از بسکه او دیداره سکینه
.
.
هردم که ویرور نیزه ده باش ماه جمالون
بیربیر گورونور انجم اندوه و ملالون
فکر ایتمه باشیمدان چخاجاق فکرو خیالون
باخدوقجه گیدر فکره او رخساره سکینه
.
.
فکرایلمیوم نیلیوم آیا منی کولباش
دوشدوق نجه بو چوللره باشسیز باجی قارداش
اولّم سنلین یا که دولانّام علی بیر باش
آخر تاپار اوز دردینه بیر چاره سکینه
.
چارم بودی کویوندا قویام باشیله جانی
بو جانیمه منّتدی ویرم جان علی جانی
اولمک ندی ترک ایلموشم جمله جهانی
چون باش قویوب اولده بو اقراره سکینه
.
.
هیهات دونم سوز اودی دورّام بوسوز اوسته
بو سوز که ازوم ایتموشم اقرار گوز اوسته
ایمدی اودور آردونجه سورونم بو یوز اوسته
اولمازعلی یوز دوندره دالداره سکینه
.
.
مشکلدی وفا شرطنی هر کیمسنه بولسون
بولمز نه دیسون آغلاماسون حالینه گولسون
عشق اهلی گرک گورمسه معشوقه سین اولسون
سندنصورا اولسون گوروم آواره سکینه
.
.
گوز اوتمرم اولسم علی قارداش گوزوندن
جانیم گیدر آخدوقجه اوقان یاش گوزوندن
قارداش نه اولار بیرجه اوپم قاش گوزوندن
حسرتدی چوخ اول دیدۀ خونباره سکینه
.
.
خونبار گوزون گوزلریمون تابنی آلدی
قان ایلدی بو باغریمی اوز رنگیه سالدی
گتدی گوزیمون نوری گوزوم نیزه ده قالدی
آغ رنگوی قان ایچره گورر قاره سکینه
.
.
آیا دوتولوب گون بوایشیق گوندوز اولوب تار
یا اینکه گلوب غصه و غمدن گوزیمه تار
ما بینیده یا حایل اولوب زلف سیه تار
دوشموش غم و هجرونده بو اودلاره سکینه
.
.
قربان او قلم قاشیوه خونین گوزه قارداش
چکدون قلم هجری نچون بو یوزه قارداش
ناز ایلمه بیرآچ گوزیوی گَل سوزه قارداش
بذل ایلیه تا جانین او گفتاره سکینه
.
.
جان نقدینی من قویموشام آخر بو سفرده
دُر تک توکرم گوز یاشیمی عارض زرده
(غمناک) اولوب آلاّم اوزوم چاره بو درده
بوعزمیله چخمش گیده بازاره سکینه
.
.
.
#راه_شام_غمناک_تبریزی
#قارداش_علی_سنسیز_قالوب_آواره_سکینه
#ترکی
.
#زبدةالاشعار
.
: @nohe_torki