احوالات حضرت علی اصغر(ع) زبانحال حضرت رباب (س)
.
✍️ #زبدةالاشعار✍️
.
🆔: @nohe_torki
.
مرحوم رهبری تبریزی
.
آناوام آغلاما یات نازلی بالام
سینه می داغلاما یات نازلی بالام
علی قربانون اولوم
بالا قربانون اولوم
.
.
من فدا یوزدن آخان گوز یاشوا
هامی حیراندی گوزل گوز قاشوا
آغلاما قوی دولانوم من باشوا
علی قربانون اولوم
بالا قربانون اولوم
.
.
نیلیوم یوخدی سویا منده گمان
گل یوزه گوز یاشوی ائتمه روان
آغلیوب ائتمه منیم قلبیمی قان
علی قربانون اولوم
بالا قربانون اولوم
.
.
باخوب حسرتله دولاندیرما گوزون
بوندان آرتوخ منی یاندیرما أوزون
سوسوزوندان سارالوبدور گل أوزون
علی قربانون اولوم
بالا قربانون اولوم
.
.
بولورم نازلی بالام عادتیوی
گورمه دوم حیف اولا من قامتوی
گورورم آلموش عطش طاقتوی
علی قربانون اولوم
بالا قربانون اولوم
.
.
یاندیروب قلبیمی غمدن یاخوسان
آخان اولدوز کیمی گاهی آخوسان
حسرتیله منه هر دم باخوسان
علی قربانون اولوم
بالا قربانون اولوم
.
.
گلشن فاطمه نین سن گلی سن
جنتین خرمنینین سنبلی سن
سن رباب سینه سینین بلبلی سن
علی قربانون اولوم
بالا قربانون اولوم
.
.
چوخورا دوشموش او گوزلر گورورم
نه چکورن سن عطشدن بولورم
خجلم شدت غمدن ئولورم
علی قربانون اولوم
بالا قربانون اولوم
.
.
خیمه ده وار علی عطشان قوناقون
آلوری خردا اوشاقلار سُراقون
سوسوزوندان قوریوب دل دوداقون
علی قربانون اولوم
بالا قربانون اولوم
.
.
گورمه دیم حیف اولا دل آچماقوی
قوش کیمی شهپر آچوب اوچماقوی
قباقیمدا یریوب قاچماقوی
علی قربانون اولوم
بالا قربانون اولوم
.
.
اوچ گونی سنله اوغول آغلاموشام
نار غمده سینه می داغلاموشام
منى عفو ایله الون باغلاموشام
علی قربانون اولوم
بالا قربانون اولوم
.
.
حالیوه شیعه سنون آغیاجاق
«رهبری» غمده سینه داغلیاجاق
قبریوه دل سوزونی ساخلیاجاق
علی قربانون اولوم
بالا قربانون اولوم
.
.
#اصغریه_رهبری_تبریزی
#اصغریه_شهادت
#آناوام_آغلاما_یات_نازلی_بالام
#ترکی
.
✍️ #زبدةالاشعار✍️
.
🆔: @nohe_torki
نظر دهید