زبدةالاشعار

قازدیم اوز الیملن بو مزاری گیجه یاری #فاطمیه_محمد_احمدی

زبانحال حضرت علی بعد از دفن حضرت زهرا سلام الله علیها
.
✍️ #زبدةالاشعار ✍️
.
🆔: @nohe_torki
.
#محمد_احمدی اردبیلی
.
قازدیم اوز الیملن بو مزاری گیجه یاری
دفن ایتدیم اوزوم یاره لی یاری گیجه یاری
.
.
.
سیندی اوز الیم اوسته منیم ساغر عشقیم
میخانه پوزولدی داغیلوب کوثر عشقیم
بو کوثر عشقیدی منیم زیور عشقیم
گیتدی ایویمون دار ونداری گیجه یاری
.
.
.
گل صورتینه سیلی دگوب سالدیکی پرده
بو پرده سالوب حیدر کرارینی درده
دردیله نجه غسل الدیم گل یوزه یرده
پرده داغیدوب قول و قراری گیجه یاری
.
.
.
قویدوم نجه کی تپراقا نیلی رخ ماهی
ماه آغلادی سوزدی بوتون اولدوزلار الهی
یاندیردی منیم حالیمی بو ماه نگاهی
ایتدیم اوزومه قبله مزاری گیجه یاری
.
.
.
گوردوم بو مزار اوسته شب طول و درازین
قیلدیم من اوزوم یاره لی بو یار نمازین
چالدی منه بو دست قضا شور و حجازین
تک قویمادیم اول گیجه یاری گیجه یاری
.
.
.
گلشنده دگوب باد خزان سولدی بو هاله
قان آغلادی هاله حالینا ژاله ولاله
دوشدوم پوزولان هاله نون اوستونده نه حاله
گوردی گوزومون یاشینی تاری گیجه یاری
.
.
.
سسلندیم اویان ای ایویمون نور وچراغی
گتسون داخی باغلاندی علینون ال ایاغی
گتمه داغیلار حیدروون سنله تفاقی
دور یوخدور انیسیم ایله یاری گیجه یاری
.
.
.
دوققوز ایل ایدن خانه و کاشانه می پر نور
درگاهوه حاجاته گلردی ملک و حور
عشق عالمی ای شیر خداونده اولان زور
سنلن سینمون گیتدی قراری گیجه یاری
.
.
.
پر عطر نجه گلشن اولار یاس و سمندن
زینتلی ایویم اولموشیدی فاطمه سندن
سینسون بو فلک چرخی تز آلدی سنی مندن
سالدی ایویمه درد نگاری گیجه یاری
.
.
.
.
گون باتسا اولار قلب اوی کاشانه محنت
سن سیز منه کاشانم اولوب خانه غربت
قویدون منی غربتده ندن قلعه ی عصمت
تک ترک ایلدون سن بو دیاری گیجه یاری
.
.
.
سن قلعه یه صبریدون اوره گیمده کی آهه
واللهی دیسم ماه یانار دردیمی ماهه
سندن صورا من سویلیورم دردیمی چاهه
قلبیم دوتولان وقتیده آری گیجه یاری
.
.
.
دور سسلور حسینون آنا وای یار وفادار
هجران سوزونی یازدی نه تز سینووه مسمار
یللر بیزه چون تار شب تار سیزیلدار
زینب اوخیور غملی قطاری گیجه یاری
.
.
.
هر نوحه یازان انوریلن یحیوی اولماز
کیم شعرِ گیجه یاری یازا منزوی اولماز
بیر نوحیه تای “احمدی” مین مثنوی اولماز
یاز نوحه ائله شکر گزاری گیجه یاری
.
#سبک_ای_باد_صبا … 7 سبک
.
#فاطمیه_شهادت
#قازدیم_اوز_الیملن_بو_مزاری_گیجه_یاری
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  ای خدا زندانیده محبوس بی تقصیره باخ #کاظمیه_کهنمویی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی