کوچ از شام
.
زبدة الاشعار
.
: @nohe_torki
.
سید بشیر حسینی میانجی
.
قافله میز آی بالا! دشت بلایه گئدور
شامیده سن قال بی بون کرب وبلایه گئدور
.
.
نوحه ی هجران اوخور بلبل شیرین سخن
غم یئمه، تک قالماسان چون گلرم بیرده من
دور یولا سال عمّه وی یاتما بو نازیله سن
غملی سردان چیخوب غملی سرایه گئدور
.
.
وئردی غریبانه جان بابِ غریبون سنون
سالدی سنی غربته دردِ طبیبون سنون
اولمادی ششگوشه قبر، حیف نصیبون سنون
آهیم اودور فرشیدن عرش خدایه گئدور
.
.
دوزدی کی ویرانه دی مسکنون آباد اولار
گؤرسه مزارون اگر دیل قوشی آزاد اولار
اولسا سنه آشنا اؤزگه لره یاد اولار
جمعِ اسیرانِ غم قانلی منایه گئدور
.
.
سن بو آز عمرون بویی چوخلی ستم چکموسن
من کیمی بو دهریده غصّه و غم چکموسن
دوده ی آهونله بو شامه عَلَم چکموسن
یعنی عزادارلر بزم عزایه گئدور
.
.
لطف ائلیوبدور خدا گؤزیاشیما اربعین
قسمت اولوبدور منیم پاداشیما اربعین
من گئدورم ساخلیام قارداشیما اربعین
قافله میز کعبه ی اهلِ ولایه گئدور
.
.
شکر ائلیور روز و شب، شاعریمیزدور «بشیر»
مرثیه چوخ ذکر ائدور ذاکریمیزدور «بشیر»
گونده خیال عالَمی، زائریمیزدور «بشیر»
مرغ خیالی اودور قاف بقایه گئدور
.
.
.
#سبک_ای_دل_اگر_عاشقی
.
#سبک_می_گذرد_کاروان ( واگیر از #مصیبی_تبریزی)
باغریمی ائتمه قان دور گئداخ
آچ گوزیوی اویان دور گئداخ
.
آچ گوزیوی دور ایاقا تاج سران
قورخما داخی گلمیه جاق شمر وسَنان
رقیه جان – رقیه جان …
.
.
#کوچ_شام
#قافله_میز_آی_بالا_دشت_بلایه_گئدور
#سیدبشیرحسینی
#ترکی
.
#زبدةالاشعار
.
: @nohe_torki
نظر دهید