زبدةالاشعار

یومدی گوزون دهریدن شاه خراسان رضا #رضویه_رضوی_زنجانی

شهادت حضرت امام رضا(ع)
.
✍️ زبدة الاشعار ✍️
.
🆔: @nohe_torki
.
.
محمدرضابیگلی ( رضوی زنجانی)
.
یومدی گوزون دهریدن
شاه خراسان رضا
وای جگری دوغرانان
ناطق قرآن رضا
.
.
مجلس مأمونیدن حالی پریشان چیخوب
من نئجه ذکر ایلیوم باغری اولوب قان چیخوب
گه اگیلور گه دورور قامتی چوگان چیخوب
بیر بئله بیر درده وای اولمادی درمان رضا
.
.
شیعه لرون قلبینی غصه آلوب درد آلوب
شاه خراسان غمی قلبیلره غم سالوب
اوغلی جوادین گوزی گور نئجه گریان قالوب
گون کیمی ائتدی غروب شمس درخشان رضا
.
.
اهل سما گویلره ویردی عزا پرچمی
فاطمه ای وای دئدی غم بورودی عالمی
باشلانوب افلاکیده ایندی رضا ماتمی
زهریله مسموم اولوب حجّت رحمان رضا
.
.
یاسه شه انبیا گور نه قدی خم گلور
سسلنور اهل سما صاحب ماتم گلور
یول وئرون الان یاسا حضرت خاتم گلور
دین حقه ایلیوب جانینی قربان رضا
.
.
جنّتی ترک ایلیوب بیرده آناسی بتول
طوسه طرف یوز قویوب فاطمه قلبی ملول
قاره سالوب باشینه دختر پاک رسول
گاهی دیور وای رضا گاهی دیور جان رضا
.
.
باشین آچوب آغلیور شیر خدا مرتضا
بند جگرسن دیور حیدره اوغلوم رضا
قاره گیوبدی سالوب بوینونا شال عزا
سسلنور الان اولوب بو اورگیم قان رضا
.
.
صفحه ی دلده یازور خامۀ غم، غم سوزون
فاطمه سسلور جواد طوسه یتور تئز اوزون
یوخ آتاوین بیر کسی باغلا باباوین گوزون
جان وئرور الان بالام سینه سی سوزان رضا
.
.
#سبک_ای_دل_اگر_عاشقی

متن پیشنهادی:  قویدی قدم چو عالم امکانه فاطمه #فاطمیه_قمری

.

#سبک_می_گذرد_کاروان
واگیر : یا رضا یا رضا یا رضا …
.
#رضویه_شهادت
#یومدی_گوزون_دهریدن_شاه_خراسان_رضا
#رضوی_زنجانی
#ترکی
.
✍️ #زبدةالاشعار ✍️
.
🆔: @nohe_torki

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی