قالمیشام بو قورخولی چولده هراسانم بی بی #راه_شام_جوانی_تبریزی

راه شام
زبانحال حضرت رقیه (س)
.
زبدة الاشعار
.
?: @nohe_torki
.
.
جوانی تبریزی
.
قالمیشام بو قورخولی چولده هراسانم بی بی
هارداسان سسلور رقیّون زار و نالانم بی بی
.
.
اوچ یاشیندا بیر قیزام بوردا وحید و بیکسم
وار یری یاپراق مثالی قورخودان ایمدی اسم
ظلمت شبده مالیمدن زبس دل واپسم
شبنم اشگیم اودور جاریدی گریانم بی بی
.
.
بو دل شبده فغانیم اوج ائدوبدی گوگلره
سالدی آتش سربه سر ارض و سماده دللره
چاتموری نیلوم الیم ایمدی وفالی ائللره
خوفیدن گلموردیزیم افتان و خیزانم بی بی
.
.
قاچمشام بسکه بو ماواده پیاده صاق صولا
آز قالوبدور گلشن عمرون گلی عمه سولا
یوخدی بیر کیمسه یانیمدا باری غمخواریم اولا
هجریدن بلکه گوریدی قلبی سوزانم بی بی
.
.
بیر یتیمم بو بیاباندا غریب و باغریقان
نه آتام نه قارداشیم وارغم آلوب مندن توان
کسمه باشیمدان عنایت سایه سین ای عمه جان
تیر محنتدن بلورسن قلبی شان شانم بی بی
.
.
دست تقدیر آلدی مندن ظلم الیله چاره می
قانه دوندردی دوباره بودل صد پاره می
معجریله باغلادیم ایمدی ایاقدا یاره می
اشگ ریز محنت خار مغیلانم بی بی
.
.
سسلیوردوم غملی صحراده سنی فریادیمه
لشگرغم سایه سالمیشدی دل ناشادیمه
گلدی جنتدن یتشدی فاطمه امدادیمه
گوردی بحر ابتلاده غرق طوفانم بی بی
.
.
چوخ گوگل آلچاقلق ایتدی حضرت زهرا آنام
شامل ایتدی حالیمه لطفون اومرضیه مرام
قویمادی مایوس وسرگردان بوصحراده قالام
واقفیدی مستحق لطف و احسانم بی بی
.
.
عالم معناده گویا ناظریدی حالیمه
چشم حق بینی باخوردی غصه لی اقبالیمه
آلدی آغوشه آنام یاندی منیم احوالیمه
لطفونه احسانینه دیلدن ثناخوانم بی بی
.
.
پاک ائدوب رخساریمون گرد و غبارین آغلادی
گوردی سیلی ردینی اشگین عذاره باغلادی
یوز یوزه قویدی منیله کائناتی داغلادی
گل آنام زهرا لبیندن بوسه بارانم بی بی
.
.
گاه اوپردی گوزلریمدن گه دیردی جان بالا
دیده وه زجرین جفاسیندن دولوبدورقان بالا
قامتی غمدن کمان زهرا سنه قربان بالا
حشراولونجا عشقینه مبهوت وحیرانم بی بی
.
.
هرکیمه بیر پای ویروبدور روز اول ذوالجلال
قویما بیهوده چخا الدن #جوانی بو مجال
یازرقیه غملرین ایله بو طرزیله مقال
قالمییشام بو قورخولی چولده هراسانم بی بی
.
.
.
#سبک_زینبم_جان_اوستیم … 4 سبک
.
.
#راه_شام
#قالمشام_بو_قورخولی_چولده_هراسانم_بی_بی
#جوانی_تبریزی
#ترکی
.
#زبدةالاشعار
.
?: @nohe_torki