زبدةالاشعار

رزمگهدن زینبا تابنده ماهیم گلمدی #عباسیه_غمگین

شهادت حضرت ابوالفضل (ع)
.
✍️ #زبدةالاشعار ✍️
.
🆔: @nohe_torki
.
محمدباقر محمد زاده قومیان (غمگین)
.
رزمگهدن زینبا تابنده ماهیم گلمدی
با وفا سر لشگریم پشت پناهیم گلمدی
.
سو یانیندا قالدی سقّا ایچمدی بیر قطره سو
هر طرفدن قطع اولوب امیّد گاهیم گلمدی
.
گوزلمه یول گوز یولا تیکمه باجی ائتمه نوا
گیتدی سو تحصیل ایده اول دادخواهیم گلمدی
.
یخدیلار قولسوز آتندان با وفا قارداشیمی
اوج ایدوب عرشه او دور بو سوز آهیم گلمدی
.
لشگر بی رحم ابوالفضلی الیمدن آلدیلار
دوندی شامه گوندوزوم بول سر سپاهیم گلمدی
.
مشگی اوخلاندی عَلَم یاتدی یوزولدی شوکتیم
هر طرفدن ظلمه باغلاندی راهیم گلمدی
.
ایتدیلر قارداشیمین سو اوسته قوللارین قلم
گون باتور دوشدی خسوفه مهر ماهیم گلمدی
.
جمله منظوری بو اولدی سو گتورسون قیزلارا
اولمادی ممکن پوزولدی عزّ و جاهیم گلمد ی
ئولدی خجلتدن یارانین چوخلوقیندان ئولمدی
قالموشام نه حاله خالقدور گواهیم گلمدی
.
پاره پاره دوغرامیشدی گل وجودین کوفیان
سسلنوردی جان دوداقدا پادشاهیم گلمدی
.
قارداشم ئولدی بلیم سیندی قدیم اولدی کمان
گلستان عشقیدن اول گُل گیاهیم گلمدی

متن پیشنهادی:  آچ گوزون گور بیر نجه حالیم پریشاندور آنا #فاطمیه_شهاب_تبریزی

هانسی قارداشدور علمداریم کیمی جان تاپشرا
فرقتینده عرشه اوج ایلوبدی آهیم گلمدی
.
کیم بیزه غمگین اولا اولوق جزاده شافعی
جان ویرنده سویلر عزرائیل پناهیم گلمدی

.
.
.
#عباسیه_غمگین
#عباسیه_شهادت
#رزمگهدن_زینبا_تابنده_ماهیم_گلمدی
#ترکی
.
✍️ #زبدةالاشعار ✍️
.
🆔: @nohe_torki

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی