قالمیشام قاتل الینده منی سال یاده عمو #قاسمیه_معزی_اردبیلی

استمداد قاسم بن الحسن (ع)
.  
#زبدةالاشعار  
.  
: @nohe_torki  
.
مرحوم معزی اردبیلی
.
قالمیشام قاتل الینده منی سال یاده عمو
کسور عطشان باشیمی تز یتیش امداده عمو
.
.
دیورم دشمن خونخواریمه چوخ ظلم ایلمه
نوجوانم ایوی ویران منی قانه بلمه
کاکلیمدن یاپوشوب پیکریمی سیلکلمه
گلمیور عرصه ده رحمی من ناشاده عمم
.
.
منه ویرمیشدی قوی قدرت بازو یارادان
دونه بیلمم نه صاقا نه صولا الان یارادان
وردیلار باشیمه خنجر بولونوبدور آرادان
هدفم من گنه ده خنجر فولاده عمو
.
.
آز قالور سیریده سیّاره مثالینده آخام
قویما میدانیده یولاریووه حسرتله باخام
الیمه قاندان حنانی فلک ایستوردی یاخام
الطفوری شامل ایله یارولی داماده عمو
.
.
گل اگر دوریووه بیر عده دوزولمیش قره ساچ
گورسه اعدا سنی میداندا دوشر تز قاچا قاچ
سسلنر سن منه قارداش بالاسی گوزلرون آچ
دیرم صیدینه باخ وور یارا صیاده عمو
.
.
داش وران نیزه وران گُرگ کیمی بیر سورودی
ئوپدیگون صورتی باشیمدن آخان قان بورودی
کاکلیمدن بیری دوتدی منی یرده سورودی
بیریده اولدی یارا وورماقا آماده عمو
.
.
اوخ آتانلار صفیلن دورت طرفیمده دوزولوب
پیکریمدن ورولوب هانسی یره قان سوزولوب
اللریم قانلی مناده اتگوندن اوزولوب
سسلورم من سنی امدادیمه بلواده عمو
.
.
ازرقون باشنی گتدیم سنه ای میر انام
تشنه ئیدیم اوزوگون ایتدی یانان قلبیمی رام
خم ایدوب قدیمی ویردیم عموم عبّاسه سلام
ایلدیم عرض ادب محضر استاده عمو
.
.
ال قویوب چگنمه احسن دیدی جان ویردی منه
محضرینده گنه ده درس روان ویردی منه
نچه اعدانی سالام تنگه نشان ویردی منه
ویرمیشم درسیمی تحویل اونا دعواده عمو
.
.
غمیمون حدی گلر صاحب احساس الینه
دوشمیشم جنگیده من ارزل اولان ناس الینه
ویر خبر خنجرین آلسون عموم عبّاس الینه
اندیره خنجرینی عرصه ده جلاده عمو
.
.
خار الینده سنه قربان گل پرپر کیمیم
دیمورم رتبه ده یا شأنیده اکبر کیمیم
قارداشون اوغلیام أما سنه نوکر کیمیم
آستان بوسووم هر وقتیده دنیاده عمو
.
.
بیر نگاهون عمو، مین رتبۀ ممتازه دگوب
گورمیشم اکبرووه یاره نه اندازه دگوب
اوغلوون داغی اورکدن بیلورم تازه دگوب
واقعاً زحمت اولار گلسون اگر داده عمو
.
.
سسلورم من سنی زهرا اورگین داغلیاسان
باشیمی دیزلروون اوسته قویوب آغلیاسان
ایستورم قانلی مناده گوزومی باغلیاسان
قوشولام اکبر ناکامووه عقباده عمو
.
.
دیمه قاسم یخلوب حالی پریشان آناما
ویرمه سون یوز هله محنت اورگی قان آناما
گل آپار قتلگهیمدن منی مهمان آناما
باغلاسون سایسیز اولان یاره می اعضاده عمو
.
.
فکریمه عمه لریم خیمه سراده قالالار
خیمه ده منتظریم وار صول و صاقین آلالار
ئوپه لر صورتینی باشینه قاره سالالار
ئولدی داماد دئسونلر اونا هیجاده عمو
.
.
#قاسمیه #معزی_اردبیلی
#قاسمیه_شهادت
#قالمیشام_قاتل_الینده_منی_سال_یاده_عمو
#ترکی
.  
#زبدةالاشعار  
.  
: @nohe_torki