#عاشورا_گونی
..
..
مرحوم صحاف تبریزی
..
..
قانیله کرب و بلا دشتی دولان گوندور بو گون
اهل بیت مصطفی زلفین یولان گوندور بو گون
..
..
بو گونین مثلنده اهل کوفه و اشرار شام
ایتدیلر کرب و بلاده ضد اسلامه قیام
یخدیلار ارکان دینی فرقۀ بیننگ و نام
خانمان مرتضی ویران اولان گوندور بو گون
..
..
عرصه نی تنگ ایتدیلر سلطان دینه قوم کین
تشنه لب بیربیر بویاندى قاننه انصار دین
باعث ایجاد عالم قالدی بی یار و معین
نور چشم فاطمه یالقوز قالان گوندور بو گون
..
..
کوفه و شام اهلی چوخ ظلمتده طغیان ایتدیلر
خاطر شاه شهیدی غنچه تک قان ایتدیلر
اکبرین گل پیکرین آماج پیکان ایتدیلر
شبه پیغمبر وجودی دوغرانان گوندور بوگون
..
..
قاسمه بیر طوی بساطى قوردی شاه کربلا
ایتدیلر طوی حجله گاهین اهل کین ماتم سرا
یاخدی طویدا زلفنه داماد آناسی قان حنا
نوعروسی باشینه قاره سالان گوندور بو گون
..
..
آلدى قونداقین ال أوسته اصغرین شاه انام
گتدی میدانه بویوردی رحم ایدون ای اهل شام
بیرجه شربه سو ویرون اوچ گوندی عطشاندور بالام
اصغریم سوز عطشدن اودلانان گوندور بوگون
..
..
احتجاج ایلردی اول شه فرقۀ عدوانله
حرمله ویردی جواب اوچ شعبه لی پیکانله
غنچۀ باع وفا سیراب اولوب آلقانله
ظلمله اصغر بوغازی اوخلانان گوندور بو گون
..
..
آه او دمدن وحشته دوشدی خواتین حرم
ایتدیلر سو اوسته قولارین علمدارین قلم
قول دوشوب طاقت گیدوب مشک اوخلانوب یاندی علم
سو یرینه مشگینه قانی دولان گوندور بو گون
..
..
وردیلار بیر اوخ اباالفضل آنّنا قوم عنود
ناله و آهی حسینون ایلدی عرشه صعود
نازنین فرقین عمود نوفل ایتدی خورد خورد
قلب زهرا بو غمیله داغلانان گوندور بو گون
..
..
یخدیلار آتدان یره پیغمبر اوغلین کوفیان
عنقریب اولدی او ساعت تار مار اولسون جهان
گون دوتولدی قاره یللر اسدی گویدن یاغدی قان
آغلادی قدوسیان یر گوی همان گوندور بو گون
..
..
گلدی زهرا باش آچوق کرب و بلا صحراسینه
غرق اولوب گوردی حسینون جسمى قان دریاسینه
دورت مین اوخ زخمی وروبلار نازنین اعضاسینه
کشتی دین موج اعدادن سینان گوندور بوگون
..
..
دیشره چخدی خیمه لردن بانوان محترم
قتلگاهه گلدیلر باشی آچوق أهل حرم
رزمگاهی گوردیلر رشک گلستان ارم
گون ایوینده گللرى اما سولان گوندور بو گون
..
..
سور اعمالوندان ای «صحاف» استغفار ایله
ساغر شرّون تهی قیل خیریله سرشار ایله
عرض قیل یارب حسینه سن منی زوار ایله
اجرون آل باب کرمدن فیض آلان گوندور بوگون
..
..
#عاشورا #صحاف_تبریزی #ترکی #زبدةالاشعار
نظر دهید