قانیمی توکماقلیقا بیر عده ای اوباش حسین #عباسیه_فکری_تبریزی

استمداد حضرت عباس (ع) از برادر
..
..
مرحوم حاج غلامرضا فکری تبریزی
..
..
قانیمی توکماقلیقا بیر عده ای اوباش حسین
بیر بیره سبقت ایدوللر دورما گل قارداش حسین
..
..
ای وجودی جمله تكوينات عالمده دخيل
وی لب جان بخشی آب خضر و نهر سلسبیل
شاه سنسن درگهونده خادمون دور جبرئیل
بو غريق لجّۀ خون محضرونده تاش حسین
..
..
ابروانون طاق محرابوندی رویوندور بهشت
روضۀ رضوان منه سنسیز جهیم و نار زشت
مرشد پیر طریقت سن نه مسجد نه کنشت
هاردا سن اولسان او یردور خانقه قارداش حسین
..
..
تا فراته وارد اولدوم ای شه گردون حباب
نکهت جانبخش آب ایتدی اورکدن سلب تاب
تا هوس ایتدیم جمالون جلوه سین گوستردی آب
اولدی دیدارون بو عطشان ئولماقا پاداش حسين
..
..
آبرویوم آبی دی ای هامی بی کسلر کسی
تار و پود مشکه بستیدی حیاتیم رشته سی
گرچه جان آلدی قَدَر ترسیم ایدن پیکان سسی
اوخ آتان دست قضا دور نیلیه نقّاش حسین
..
..
گرچه آب و تابله آخدوقجا بو آب فرات
آز قالور عمروم قوتارسون درک ایدم فیض ممات
سو ایچم هیهات قالسون تشنه لب عين الحيات
قویمارام باخسون فراته دیدۀ خونپاش حسین
..
..
من نه خضرم سیر آفاق ایلیوب آب آختارام
آب ده یوخ آبرو تا آب نایاب آختارام
تشنه لب گلدیم بو يرده لعل سیراب آختارام
اود دوتوب گوردوم یانور باشدان باشا داغ داش حسین
..
..
لوح خاطرده خیال ایتمه که نقش سو چکم
يا نسيم سو دم صبحیله گلسه بو چکم
ذکر و اورادیم آدوندور ایسته سم یا هو چکم
قطب سنسن من مريد رندم و قلّاش حسين (1)
..
..
هر یارا دگدوقجا یول آچدی حضور یاریمه
روزن امّید اولدی محضر دلداریمه
پیک پیکان رونق آرتوردی عجب بازاریمه
جسمیمه دگسون یارا ای کاش باشدان باش حسين
..
..
بوی صهبای ازل ایتموشدی چون مخمور و مست
جلوه گر اولموشدی گوزده عهد و میثاق الست
اولمادیم پیمان شکن پیمانه گر تاپدی شکست
اگلنیدی دیده مه مشکه دگن اوخ کاش حسین
..
..
دورما تز گل بو مریدون اوز مرادون آختارور
عبد صالح آدلی بنده ، مير رادین آختارور
مکتبون شاگردی گورسون اوستادین آختارور
خاکسار کویوه لطفونجه گل چک باش حسین
..
..
طاقتین از بسکه طاق ایتموشدی روی زرد لر
رشتۀ یاراسین آلموشدى اليندن دردلر
چوخ جسارتلن تاپوب ال مردیوه نامردلر
نقد جانین باشیوه تئز گل ایده شاباش حسین
..
..
اولدی همفکرون «پدیده» «فکریِ» نیکو سیر
توکدی موج بحر طبعون ساحله درّ و گهر
وار نه تأثیری اولا دنیا یوزی پرخاشگر
گر سیزه اطلاق ایده عبّاس و زهرا خاش حسین (2)
..
..
..
(1) قلّاش :بی چیز (دهخدا)
(2)خاش:کسی را گویند که محبت آن کثیر و بسیار باشد (دهخدا)
..
..
#عباسیه #فکری_تبریزی #عباسیه_شهادت #ترکی #زبدةالاشعار