زبانحال حضرت زینب (س) با راس برادر در راه کوفه و شام
..
..
علی تیموری اردبیلی
..
..
حسین باخ نیزه دن بو دختر شیرین دیله قارداش
ائدور محملده سندن چوخ بو شیرین دیل گله قارداش
..
..
حسین جان زینب راز و پریشانون سنه قربان
دانیشدیر بو سه ساله دختری قلبی اولوبدور قان
باخور نوک جدایه حسرتیله دیده سی گریان
او قانلی گوزلرونله باخ بو عریان محمله قارداش
..
..
ائلیکی عصر عاشورا قوتاردی جنگ عاشورا
اودم باشلاندی غارت خیمه لرده دوشدی کی غوغا
باجون زینب او غوغاده عدودن ائتمیوب پروا
قوتارماز تا نقدری وارآدون بو غائله قارداش
..
..
بو لازمدی گرک معشوقینه عاشق مرید اولسون
کی واجبدی نگارین محضرینده روسفید اولسون
گرک شایسته دورهر دیدیچون بیر بازدید اولسون
بیزیم دیداریمیز ویرانیه قالسین بئله قارداش
..
..
دولاننام کوفه و شامی دالونجا محمل اوستونده
دایاننام حیدر آسا من بو لفظ کامل اوستونده
کچر جاندان باجون زینب بساط قابل اوستونده
یئتیشسون تا نهال عشق و عرفان حاصله قارداش
..
..
او گونکی ایلدیم دشمن ایچینده من خطر احساس
دئدیم گل داده ای شیر خدانون اوغلی یاعباس
بو یورقون کاروانه قورخولی صحراده گل وئر پاس
قالوب چوللرده سنسیز دیده گریان قافله قارداش
..
..
دولاندوم کوفه نی گوردوم صداقتدن اثر یوخدی
کی بیر ذرّه سوزونده والی شهرون کسر یوخدی
تقلّبدور اونون اهلی حقیقتدن خبر یوخدی
سالوبلار عترت آل عبانی مشکله قارداش
..
..
سنون الله دی خونخواهون قیامتده قانون باتماز
او پرچم کی اوجالدوبسان یقین وار حشره جک یاتماز
اونا هرگز الی بیگانه نین بو دهریده چاتماز
مقدّس نام پاکوندور دوشر دلدن دله قارداش
..
..
حسین جان نوکرون «تیموری» دور اولموش غمه مانوس
او ششگوشه مزاره عشقیلن هر ایل اولوب پابوس
وفالی نوکروندی درگهونده ایلمه مایوس
بونا روز قیامتده ئوزون گل وئر صله قارداش
..
..
#راه_شام #علی_تیموری #کوفه_علی_تیموری #کوفه #راه_شام #ترکی #زبدةالاشعار
نظر دهید