زبدةالاشعار

قان ایلدی گل اهل جفا اشگیمی قارداش #عباسیه_هوشی_تبریزی

استمداد حضرت عباس علیه السلام
.
✍️ زبدة الاشعار ✍️

?: @nohe_torki
.
مرحوم غلامعلی باقری الهامی (هوشی)
.
قان ایلدی گل اهل جفااشگیمی قارداش
شرم ایلمیوب اوخلادیلارمشگیمی قارداش
.
قارداشیوی درک ایله ایا شاه لب عطشان
عبّاسون اولا گل او گلن یولّلارا قربان
.
.
بیرمشک سواوستونده اخی جانیم قویدوم
بلمرّه بدندن دیریلیق رختینی سویدوم
اوخ مشگه دگنده ولی جاندان ایله دویدوم
قان اولدی دلیم قالمادی صبریم داخی قارداش
مشگیم سوئی تک آخدی گوزومدن یوزه قانیاش
.
.

چوخ سعی و تلاش ایلدیم ای خسروخوبان
سومشگیمه اوخ وُرمیه بوفرقۀ عدوان
برباد ایلدی زحمتیمی بیرسولی پیکان
شرم ایلمیوب گلدی بوسومشگیمه دگدی
بو قامت شمشا دیمی بارالم اگدی
.
.

متن پیشنهادی:  هوالمحسن سرآغاز غزل شد #سیدبشیرحسینی

هرقدرالیمده واریدی تیغ شرر بار
دوشسونله یاخون مُشکلیدی قوم ستمکار
تا سالدی ایکی قولاریمی فرقۀ ا شرار
قولسوزگوروب ال تاپدی عدومقصده چاتدی
عطشان بالالارناله سین افلاکه اوجاتدی
.
.

قول گیتدی بدندن اگر ای خسروعالم
لیک ایتمدیم اوز نقشۀ آمالیمی برهم
سوواردی دیردیم منه بو بارده یوخ غم
اوخلاندی سومشگیم سوئی اشگیم کیمی آخدی
حسرتله گوزوم بیرسویا بیرمشگیمه باخدی
.
.

ای خسرو اقلیم بلا شاه مدینه
یکسرآلوب اطرافیمی بو لشگرکینه
اول دادرس آخر نفسیمده بـوحزینه
سبقت ایدوری قتلیمه اون یدّی ستمکار
ویرمزله امان داده یت ای خسرو ابرار
.
.

من عالم عشق ایچره وفا رسمینی سچدیم
جانیمدن اودورکه ره جانانیده گچدیم
سو ایچمدیم امّا یرینه خوندل ایچدیم
سوندی هوسیم سوزغمیم لیک چوخالدی
خجلت اودی بیراوزگه شررجانیمه سالدی
.
.

متن پیشنهادی:  ای جمالون جلوۀ خلاق داور یارضا #رضویه_بحری

آفاقیده چون عاریه بولدوم بوحیاتی
دوتدوم اودی افضل اوزحیاتیمده مماتی
ایستردیم اولا عالمه کشف عشق نکاتی
جاندان گچوب ایدّیم اودی ترک سروسامان
ویردیم سویا بیرگوزایکی قول شوقیله قربان
.
.

هرعاشقه بو دهریده سرمشق وفایم
مستانۀ پیمانۀ پیمان بلایم
بوکوی وفاده اودی جانانه فدایم
جان عشقوه قربان اولا ای پادشه عشق
عشقوندی سنون جملۀ عشّاقیوه سرمشق
.
.

اظهارجفا ایتدی زبس اهل عداوت
گل پیکریمه وردولا بی حدّ جراحت
قان آخدی وجودیمده داخی قالمادی طاقت
ایتموشدی زبسکه یارا بو جسمیمی خسته
تپراقه او حالتده یخلدیم اوزوم اوسته
.
.

متن پیشنهادی:  چشم میخواهد ببیند رهبری تنها نبود #ورود_محرم_مهدی_نجفلو

ای مهردرخشندۀ افلاک امامت
قارداشلیقا یوخ گرچه سنه منده لیاقت
قارداش دیماقا سیِدی واردور ولی علت
یوخسا دگی لایق شهَ نوکردیه قارداش
آخر نفس امدادینه تا سسلیه قارداش
.
.

آتدان یخیلاندا یره من ای شه بطحا
کشف اولدی گوزومده اوزمان عالم معنی
گوردوم اوغول آدیله منی سسلوری زهرا
بولدوم سنه قارداش دیماقا واردی لیاقت
قارداش آدی گتدیم دله ای شاه ولایت
.
.

بوعصریده«هوشی»گوزآچ ایت کسب شرافت
یـاز نوحه علمدارآدینه ایلمه غفلت
شاید اولا بیرگون سنه بو جمعیله قسمت
هم روضۀ غمناک علمدار لب عطشان
هم مرقد شش گوشۀ شاهنشه خوبان
.
.
#عباسیه_شهادت
#قان_ایلدی_گل_اهل_جفا_اشگیمی_قارداش
#هوشی_تبریزی
#ترکی
.
✍️ #زبدةالاشعار ✍️

?: @nohe_torki

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی