قتلگاهه خیمه لردن ایلدون اراده گلدون #شام_غریبان_نخستین

شام غریبان
زبانحال حضرت حسین (ع)
با حضرت رقیه (س) در قتلگاه
..
..
مرحوم نخستین اردبیلی
..
..
قتل گاهه خیمه لردن ، ایلدون اراده گلدون
یاخشی گلموسن رقیه یاخشی وقته داده گلدون
..
..
سن منیم گؤزل ادبلی نازدانه دختریم سن
آشیانی غارت اولموش غصّه لى کبوتریم من
من شه دیار عشقم سن سفیر کشوریم من
شرکت ائتمگه منیلن سنده بو بلاده گلدون
..
..
من سنى وداع إئدنده داغلی قلبی داغلادون سن
جان کیمین قوجاقه آلدیم جان دئدیم من آغلادون سن
باهم اولماقا منیلن عهدنامه باغلادون سن
گورمدون یانان چادردا گورمگه مناده گلدون
..
..
سینه مون اوخون چکوب آت قوی یوزون وفالی یاریم
محنتیم تمامه یتسون آرتوق اولسون افتخاریم
ساربان گلوب گئدوبدی یوخدی آیری انتظاریم
آغلاما منی سالوبسان یاخشی وقته یاده گلدون
..
..
یان یانا بو گلستاندا یار و یاوریم یاتوبدی
پرچمیم باتوبدی قانه جمله لشگریم یاتوبدی
عون وفضل و قاسم اکبر تشنه اصغریم یاتوبدی
دفن اولونمیوب قالوبدی نعش لر اراده گلدون
..
..
کیم ویروب بو گول جماله شل اولان الیله سیلی
یر سالوب الى یوزونده یول با یول اولوبدی نیلی
آغلیوب بابام پیمبر آغلادوب بابام خلیلی
ایله دون بو درد و غمدن دردیمی زیاده گلدون
..
..
قلب داغداری غمدن بو مکاندا داغلیان وار
کوی عشقیده رقیه نچه یاره باغلیان وار
باشیم اوسته باش آچان وار اوخشیان وار آغلیان وار
فاطمه آنام گلوبدی سنده بومناده گلدون
..
..
یتمیوب تمامه هرگز کاری چرخ کجمدارین
بیرده بو گئجه گورونمز سیر إئله بوغم حصارین
منده بو کسوک ألیلن زلفوون سیلوم غبارین
سنده مندن آیریلانسان ایله استفاده گلدون
..
..
گئت خرابیه نشان وئر خاطرات کوی عشقی
من کیمین گتور نوایه نی نوات کوی عشقی
وئرمدی سو نیلیورسن بو فرات کوی عشقی
یاخشی اولدی گورمدون سن باشیمی جداده گلدون
..
..
یاندیروب منی باخورسان سنده چوخ یانقلی دل وار
ای بو گلستانه بلبل گور نجه صفالی گول وار
آغ محاسنیمده گؤرسون کوفه ده جداده کول وار
سویلمه بو حالتیله سن نیه جداده گلدون
..
..
واردور علتى گرک من سیر إئدم جدا باشیندا
قیزلاریم گله دالیمجان اوچ باشیندا بش یاشیندا
خاک ره سالاندا نقشه گول یوزونده گوز یاشیندا
عشقون اوسته سن گئدرسن مجلس زیاده گلدون
..
..
آخره یتور رقیه سنده بو قیام عشقی
توپراق اوسته یات ورقله دفتر و پیام عشقی
حشر اولونجا زنده قالسون بو جهاندا نام عشقی
اوخ پاراسی نیزه اوستن سن نجه پیاده گلدون
..
..
سن هوسلی بلبلیدون گلشن امامتیمده
دوزمدون فراقه گلدون یانیمه بو ساعتیمده
فرشی قان چراغی پیکان نقشیلی عمارتیمده
حُسن عشقوه بو عشقون اولدی فوق العاده گلدون
..
..
هر بلا که روز اوّل گلدی اولدی آزمایش
بیر به بیر همان بلانی جدّیم ایله دی گزارش
امر حقّه واجب اولمیش ایلیک گرک ستایش
سن بلى دیوب بلایه موقع بلاده گلدون
..
..
..
..
#شام_غریبان_نخستین #ترکی #زبدةالاشعار