زبانحال حضرت زینب (س)
.
✍️ #زبدةالاشعار ✍️
.
🆔: @nohe_torki
.
مرحوم تائب تبریزی
.
قتلگاهون کیمی گلشن گورن اولماز یارالی
زینبون تک گل ماتم دَرَن اولماز یارالی
.
.
بیر طرفده گورورم پرپر اولان گل لریوی
قانه آغشته دوشن سوسن و سنبل لریوی
بیر طرفده گورورم غمزده بلبل لریوی
من کیمی غمکده گلشن گورن اولماز یارالی
.
.
گل آچوب گل یارائیله یارالی گل بدنون
یخلوب سنله نچه عاشق گلگون کفنون
عالم عشق و محبت یارادوب انجمنون
بیله عالم بیله بیر انجمن اولماز یارالی
.
.
یوزلره گل کیمی بو گلشن عشقون گوله جاق
گلشنون قدری ندور اهل محبت بوله جاق
گل آدون دلده هامی دسته بدسته گله جاق
گَلی چوخلار ولی بیز تک گلن اولمازیارالی
.
.
بویانوب قانینه چوخ قافله سالار دوشر
طعنۀ خار گوروب چوخ گل بی خار دوشر
چوخ ایاقدان یارالی سرو سمنبار دوشر
سن کیمی لیک ایاقدان دوشن اولماز یارالی
.
.
جبر چوخ بلبل شیدانی چمندن آیروب
سندیروب بال و پرین سرو و سمندن آیروب
چوخلارین دست جفاکار وطندن آیروب
سن کیمی کیمسه جلای وطن اولماز یارالی
.
.
گرچه بی شرمدی اوز قانوه غلطان ایدنون
کوینگونده آپاروبدور قویوب عریان بدنون
لیک وار خون شهادتله گوزل پیرهنون
هامویا قسمت ایله پیرهن اولماز یارالی
.
.
قان دولوب باغریما دل قانی دمادم ییَرم
نقدر ئولمه میشم اگنیمه قاره گیَرم
نفسیم هر نقدر واردی حسین وای دیرم
من تک عالمده حسین وای دین اولماز یارالی
.
.
بیر قوشون لانه سی یانسا چمنی نیلیوری
کوی معشوق غریبی وطنی نیلیوری
وادی عشق قتیلی کفنی نیلیوری
فدیۀ دینه نیاز کفن اولماز یارالی
.
.
اؤزون عریان ولی وارقانیله گلگون کفنون
گل زهرا سن اؤزون پاره اولوب پیرهنون
هامو ایستر سنی دنیا دولوسی وار سُوَنون
چوخ سُوَن وار ولی من تک سُوَن اولماز یارالی
.
.
مبتلا زینبوین هر نقدر مشکلی وار
مین او مشکل جه بو خردا قزوین نسكلی وار
ایله شیرین دلیله اوخشوری شیرین دیلی وار
بیله خوش لحن ایله شیرین سخن اولماز یارالی
.
.
آغلوری گوزدن آخان قان یاشیدا آغلادیری
غم قطارینده کی یار یولداشیدا آغلادیری
ایله اوخشور یارالی داغ داشیدا آغلادیری
دیمه نازلی بالاوا سس ویرن اولماز یارالی
.
.
ای اولان ذکری شفا بخش گوزل آدی دوا
تائبین قلبی سنقدور سال اؤزون نور صفا
وار مریضی او مریضه ایله اعطای شفا
دردینه سن کیمی درمان ایدن اولماز یارالی
.
.
.
#کوچ_کربلا #تائب_تبریزی
#قتلگاهون_کیمی_گلشن_گورن_اولماز_یارالی
#ترکی
.
✍️ #زبدةالاشعار ✍️
.
🆔: @nohe_torki
نظر دهید