هامی شاهلار گدا سلطان حسیندی #حسینیه_احمد_پوریا

مدح حضرت امام حسین(ع)
..
..
..
..
..
احمد پوریا
..
..
..
..
..
هامی شاهلار گدا سلطان حسیندی
شکوه مکتب عرفان حسیندی
جمال ایزد منّان حسیندی
ستون خانه ی ایمان حسیندی
رحیم و راحم و رحمان حسیندی
یقینا معنیِ قران حسیندی
ویرن یتمیش ایکی قربان حسیندی
هامی شاهلار گدا سلطان حسیندی
..
..
..
..
..
حسین معنای غیرتدور سراسر
حسین کون و مکانه اولدی رهبر
هامی دنیایه سرور شاه بی سر
سمای عشقیده شمس منور
کُرات و کهکشاندا ماه و اختر
اورکلرده اولان طوفان حسیندی
هامی شاهلار گدا سلطان حسیندی
..
..
..
..
..
ملائک فیض آلار هر صحبتیندن
سلیمان مات، جاه و عزتیندن
آلار درس انبیا شخصیتیندن
اولوب یوسف خجل مه صورتیندن
تاپوب عزت گدالر دولتیندن
معین و هادیِ انسان حسیندی
هامی شاهلار گدا سلطان حسیندی
..
..
..
..
..
حسینی سسلسم الله خطادی
بشرده سسلسم گر ناروادی
منور نوریدور شمس الضحادی
حسین مفتاح باب ربنادی
حسینون آدی ذکر اولیادی
طریق هشت درِ رضوان حسیندی
هامی شاهلار گدا سلطان حسیندی
..
..
..
..
..
دمیندن آلدی دم پیغمبر عیسی
حسین سسلندی هر معجزده موسی
عصاسین بحره وردی بولدی دریا
اولوب حاتم گدای باب مولا
دیدی ذکر حسینُ مِنّی طاها
که یعنی روحیمه ریحان حسیندی
هامی شاهلار گدا سلطان حسیندی
..
..
..
..
..
حسین آیه حسین قران حسین نور
حسین کعبه حسین مروه حسین طور
حسین محشر حسیندور نفخ فی صور
حسین عشق و حسین شعر و حسین شور
هدایت ایتماقا مخلوقی مامور
عزیز حضرت یزدان حسیندی
هامی شاهلار گدا سلطان حسیندی
..
..
..
..
..
حسینه انبیا سسلندی لبیک
اونا مروه صفا سسلندی لبیک
کلیم الده عصا سسلندی لبیک
هامی عرش خدا سسلندی لبیک
شهنشاه و گدا سسلندی لبیک
صفای عالم امکان حسیندی
هامی شاهلار گدا سلطان حسیندی
..
..
..
..
..
سلیمان جاهینه مبهوت و حیران
خلیل اول لحظه کی قالموشدی ویلان
حسین سسلندی نار اولدی گلستان
جمالی جلوه ی معبود سبحان
تحیرده قالوبدی ماه کنعان
ایدن حاتملره احسان حسیندی
هامی شاهلار گدا سلطان حسیندی
..
..
..
..
..
حسین شمس و حسین اختر حسین ماه
حسین دلبر حسین سرور حسین ماه
حسین عشق و حسین سیر الی الله
حسین ناله حسین هاله حسین آه
حسین شوکت حسین دولت حسین راه
اوزی ساقی ولی عطشان حسیندی
هامی شاهلار گدا سلطان حسیندی
..
..
..
..
..
حسین عهد ایلدی روز السته
بلاده اولمیا رنجور و خسته
نوا دشتینده اولدی پر شکسته
دیدی یا رب نظر ایت عبد مسته
آلوب دوریمی عدوان دسته دسته
سنله باغلیان پیمان حسیندی
هامی شاهلار گدا سلطان حسیندی
..
..
..
..
..
خدایا اربا اربا اولدی اکبر
علی اصغر الیمده اولدی پرپر
دوشوب علقمده قولسوز میر لشگر
سالوب زینب باشینه قاره معجر
کسر تشنه باشیمی شمر کافر
سنه یارب اولان قربان حسیندی
هامی شاهلار گدا سلطان حسیندی
..
..
..
..
..
دئنن(پویا) حسین درده دوادی
هرایه سسله کی مشکل گشادی
حسینون درگهی باب شفادی
حریمی قبله ی اهل ولادی
بیزه جنت ایله کر ب و بلادی
دواسیز درلره درمان حسیندی
هامی شاهلار گدا سلطان حسیندی
..
..
..
..
..